Enter your Email Address to subscribe to our newsletters
काेरिया / रायपुरम् 17 फ़रवरीमासः (हि.स.)।
मुख्यमन्त्री विष्णु देव सायः कोरिया-प्रवास-काले झुमका जलाशय परिसरे ‘श्रीरामलला-दर्शन-योजना’ अन्तर्गतं अयोध्या धाम पावन-यात्रां कृत्वा प्रत्यागतान् श्रद्धालून् आत्मीयतया अभ्यभाषत। मुख्यमन्त्री अद्य श्रद्धालूनां कुशल-प्रश्नं कृत्वा तेषां आध्यात्मिक-भक्तिमयान् अनुभवाञ् अत्यन्तं सावधानतया अशृणोत्।
श्रद्धालवः मुख्यमन्त्रिणे अवदन् यत् छत्तीसगढ़ शासनस्य सहयोगेन तेषां निःशुल्कं अयोध्याधाम-दर्शनस्य सौभाग्यं प्राप्तम्। ते उक्तवन्तः यत् शासनद्वारा सम्मानपूर्वकं सम्यक्-यात्रा-व्यवस्था कृतत्वात् एषा यात्रा तेषां कृते अत्यन्तं सुगमा अविस्मरणीया च अभवत्।
श्रद्धालवः अपि अवदन् यत् स्वेषां दूरस्थ-ग्रामेभ्यः अयोध्यां प्रति गमनं पूर्वं कठिनम् आसीत्, किन्तु शासनस्य पहलया तत् संभवम् अभवत्। तैः मुख्यमन्त्रिणे ‘हमारे राम’ इति तैलचित्रं समर्प्य कृतज्ञता व्यक्ता।
मुख्यमन्त्री साय श्रद्धालूनां उत्साहवर्धनं कृत्वा अवदत् यत् प्रभुः श्रीरामः छत्तीसगढ़स्य भाञ्जा इव सन्ति, अतः प्रदेशवासिनां तेषां दर्शन-व्यवस्था कर्तुं शासनस्य सौभाग्यम् अस्ति। सः अवदत् यत् सुदूर-अञ्चलेषु निवसतां जनानां पर्यन्तं योजनानां लाभं प्रापयितुं एव वास्तविक-जनसेवायाः तुष्टिः अस्ति, तथा शासनं एतदेव भावनां धारयन् कार्यं करोति।
---------------
हिन्दुस्थान समाचार