Enter your Email Address to subscribe to our newsletters
जोधपुरम्, 20 फरवरीमासः (हि.स.)। राज्यपालः तथा कुलाधिपतिः हरिभाऊ बागडे शुक्रवासरे सरदार पटेल पुलिस सुरक्षा आपराधिक न्याय विश्वविद्यालये अधिकारिणां विस्तृतसमीक्षाबैठकस्य अध्यक्षतां कृतवान्। अस्यां बैठके विश्वविद्यालयस्य शैक्षणिकप्रगतेः परिणामोन्मुखअनुसन्धानस्य परीक्षाप्रणाल्याः नूतनशिक्षानीतेः क्रियान्वयनस्य सामुदायिकसेवानां छात्रकल्याणसम्बद्धविषयाणां च विषये विस्तीर्णा चर्चा अभवत्।
राज्यपालः बागडे निर्देशान् अदात् यत् विश्वविद्यालयः दीर्घकालीनकार्ययोजनां निर्माय शैक्षणिकप्रशासनिककार्याणि सुव्यवस्थितानि परिणामोन्मुखानि च करोतु। सः उक्तवान् यत् पाठ्यक्रमाः प्रशिक्षणमॉड्यूलाः सहपाठ्यक्रमक्रियाकलापाश्च एवं प्रकारेण विनिर्मीयन्ताम् यत् विद्यार्थिनां पुलिससेवासु रक्षा सेवासु च स्पर्धापरीक्षासु सिद्धतायै प्रत्यक्षलाभः भवेत्।
राज्यपालः समये समये एजी ऑडिट इति लेखापरीक्षणं कारयितुं निर्देशं दत्त्वा प्रशासनिकपारदर्शितां वित्तीयअनुशासनं च सुदृढीकर्तुं बलम् अदात्। सः परीक्षाप्रक्रियां पूर्णतया पारदर्शिनीं सुरक्षितां विश्वसनीयां च कर्तुं आवश्यकतां पुनरपि उद्घोषितवान्। तथैव राष्ट्रियमहत्त्वस्य विषयेषु उच्चस्तरीयाध्ययनअनुसन्धानयोः प्रोत्साहनं दातुं प्रति मासं प्रतिष्ठितविद्वांसान् आमन्त्र्य ज्ञानसहभागिताकार्यक्रमान् आयोजयितुं निर्देशान् दत्तवान्।
सः उक्तवान् यत् विश्वविद्यालयः राष्ट्रनिर्माणस्य वैचारिककेन्द्रं भवेत् यतः अनुशासितं राष्ट्रनिष्ठं नैतिकमूल्यसम्पन्नं नेतृत्वं निर्मीयते। नूतनशिक्षानीतिः भारतीयमूल्यानां राष्ट्रियदृष्टेः च आधारेण प्रतिष्ठिता अस्ति अतः भारतीयज्ञानपरम्परायाः आधुनिकअनुसन्धानस्य च समन्वयेन विद्यार्थिनां ज्ञानचरित्रकौशलानां संतुलितविकासः सुनिश्चितः क्रियताम्।
राज्यपालः बागडे विद्यार्थिनां बौद्धिकशारीरिकक्षमतयोः समग्रविकासे विशेषं बलं दत्तवान्। सः क्रीडा व्यायाम नेतृत्वप्रशिक्षणं व्यवहारिकाभ्यासं च शिक्षायाः अभिन्नाङ्गत्वेन स्थापयितुं निर्देशान् अदात्। पर्यावरणसंरक्षणदिशि प्रति वर्षं अधिकाधिकवृक्षारोपणाभियानं संचालयितुं रोपितपादपानां संरक्षणस्य प्रभावीव्यवस्थां सुनिश्चितां कर्तुं च अपि बलं दत्तवान्।
राज्यपालः विश्वविद्यालयात् अपेक्षां कृतवान् यत् उत्कृष्टशिक्षणप्रशिक्षणं प्रभावीशोधतन्त्रं अनुशासितप्रशासनिकव्यवस्था बहुआयामीछात्रविकासश्च सर्वोच्चप्राथमिकतया ग्राह्याः स्युः येन विश्वविद्यालयः राष्ट्रियअन्तर्राष्ट्रियस्तरे स्वस्य विशिष्टां पहचानं स्थापयितुं शक्नोति।
कुलगुरुः डॉ आलोक त्रिपाठी विश्वविद्यालयस्य शैक्षणिककार्यक्रमान् प्रवेशस्य वर्तमानस्थितिं एनईपी 2020 इत्यस्य प्रभावीक्रियान्वयनं परीक्षासुधारान् अनुसन्धानपरियोजनाः सामुदायिकसहभागिताक्रियाः उपलब्धयश्च विस्तरेण प्रस्तुतीकृतवान्।
हिन्दुस्थान समाचार