Enter your Email Address to subscribe to our newsletters
- प्रमुख वैश्विक तकनीकीसंस्थाभिः सह संस्थाभिः करिष्यते वन-टू-वन चर्चा
भोपालम्, 20 फरवरीमासः (हि.स.)।
डॉ. मोहन यादवः, मध्य प्रदेश राज्यस्य मुख्यमन्त्री, अद्य शुक्रवासरे नव-दिल्ली-नगरे स्थिते भारत-मण्डपम् नाम्नि स्थले आयोजिते “इण्डिया कृत्रिम-बुद्धिमत्ता प्रभाव-शिखर-सम्मेलन २०२६” इति समागमे सहभागी भविष्यति। अस्मिन् सम्मेलन सः उच्च-स्तरीय-चर्चा-पटलस्य सदस्यैः सह संवादं करिष्यति। राज्य-स्तरे कृत्रिम-बुद्धिमत्तायाः उपयोगेन आर्थिक-विकासस्य तीव्रीकरणम्, डिजिटल-शासनस्य सुदृढीकरणम्, दृढ-अवसंरचनाया: विकासश्च—एतेषु विषयेषु विचार-विमर्शः भविष्यति।
जनसम्पर्क-अधिकारिणी जूही-श्रीवास्तवा अवदत् यत् मुख्यमन्त्री कृत्रिम-बुद्धिमत्ता-गणना-प्रणाली, जाल-सुरक्षा-संरचना, मेघ-तन्त्र-परितन्त्र, सृजनात्मक-कृत्रिम-बुद्धिमत्ता-समाकलनम् तथा डिजिटल-सेवा-क्षेत्रेषु अग्रगण्यैः वैश्विक-प्रौद्योगिकी-संस्थाभिः सह एकान्त-उपवेशनं अपि करिष्यति। अस्मिन् उपवेशने उन्नत-अर्धचालक-त्वरण-प्रणाली, मेघ-गणना, दत्तांश-केन्द्र, स्वदेशी-कृत्रिम-बुद्धिमत्ता-आदर्श-निर्माणम् इत्यादिषु विषयेषु विमर्शः भविष्यति। मुख्यमन्त्री द्वितीय-स्तर-नगरात् उद्भवमानान् नव-उद्यमिनः नवोन्मेषकर्तॄन् च मिलित्वा तेषां कृत्रिम-बुद्धिमत्ता-आधारित-कार्याणि ज्ञास्यति।
जनसम्पर्क-विभागस्य अनुसारं अस्मिन् समागमे मध्यप्रदेश-पवेलियन कक्ष-संख्या ४, प्रथम-तले, कक्ष-चिह्न ४ एफ–३२ तथा ४ एफ–३४ इत्यत्र “कृत्रिम-बुद्धिमत्ता-सक्षम-शासनम् सशक्त-भारताय” इति विषय-वस्तुना स्थापितः अस्ति। अस्मिन् १४ कृत्रिम-बुद्धिमत्ता-नव-उद्यमाः, भारतीय प्रौद्योगिकी संस्थान इंदौर, आईआईटीआई दृष्टि सीपीएस फाउंडेशन इत्यादयः शैक्षणिक-संस्थानानि, चत्वारः प्रमुख-शासकीय-विभागाश्च सहभागिनः सन्ति।
मध्यप्रदेश-पवेलियने भूमिस्तरे प्रवर्तिताः कृत्रिम-बुद्धिमत्ता-समाधानाः प्रदर्श्यन्ते। अयं पवेलियन दर्शयति यत् पारदर्शिताया: वर्धनाय, समये सेवाप्रदानाय, उत्तम-निर्णय-ग्रहणाय च कृत्रिम-बुद्धिमत्तायाः उपयोगः शासन-व्यवस्थायां कथं क्रियते। राज्यस्य विज्ञान-प्रौद्योगिकी-विभागः, मध्य प्रदेश राज्य इलेक्ट्रॉनिक्स विकास निगम इत्यस्य सहयोगेन, अस्मिन् राष्ट्रिय-मञ्चे राज्यस्य योजनाबद्ध-लक्ष्याभिमुख-कृत्रिम-बुद्धिमत्ता-उद्यमान् प्रस्तौति।
---------------
हिन्दुस्थान समाचार