Enter your Email Address to subscribe to our newsletters
प्रत्येकस्यां विषय-धारायां चयनितेभ्यो युवभ्यो वैज्ञानिकेभ्यः 21 सहस्र रूप्यकाणां नकदराशिपुरस्कारः
रायपुरम्, 21 फरवरीमासः (हि.स.)।
छत्तीसगढ़स्य युवा-वैज्ञानिकानां अनुसन्धानकर्तॄणां च कृते अनुसन्धान-नवाचार-अकादमिक-परिचयस्य सशक्तमञ्चं प्रदातुं २१तमः छत्तीसगढ़-युवा-वैज्ञानिक-सम्मेलनः सीवायएससी २०२६ इति नाम्ना १७ तथा १८ मार्च २०२६ दिनयोः अंतरराष्ट्रीय सूचना प्रौद्योगिकी संस्थान, नया रायपुर इत्यत्र आयोज्यते। अस्य सम्मेलनस्य आयोजनं छत्तीसगढ़ विज्ञान एवं प्रौद्योगिकी परिषद तथा ट्रिपल-आईआईटी नया रायपुर इत्येताभ्यां संयुक्तरूपेण क्रियते।
सीवायएससी २०२६ इति सम्मेलनः छत्तीसगढ़स्य उदयमानानां युवा-वैज्ञानिकानां अनुसन्धानकर्तॄणां च कृते सुवर्णसदृशं अवसरं भवति। अस्य माध्यमेन तेभ्यः आर्थिक-प्रोत्साहनं सह राष्ट्रिय-स्तरे अनुसन्धान-अनुभवः वैज्ञानिक-समाजे प्रतिष्ठा च लभ्यते। राज्यस्य विकास-आवश्यकताभिः सम्बद्धं मौलिकं नवोन्मेषात्मकं गुणवत्तायुक्तं च अनुसन्धानं प्रोत्साहयितुं एषा महत्त्वपूर्णा पहलाऽस्ति।
सम्मेलनस्य महत्त्वं प्रकाशयन् परिषदः महानिदेशकः डॉ. कवीश्वर प्रशांत अवदत् यत् छत्तीसगढ़-युवा-वैज्ञानिक-सम्मेलनः राज्यस्य प्रमुखेषु उपक्रमेषु अन्यतमः अस्ति, यस्य उद्देश्यं प्रतिभाशालिनां युवा-वैज्ञानिकानां परिचयः तान् अग्रे प्रेषयितुं प्रेरणा च अस्ति। सीवायएससी २०२६ इत्यस्य माध्यमेन राज्ये सम्पन्नं मौलिकं नवोन्मेषात्मकं च अनुसन्धानं राष्ट्रिय-स्तरे मञ्चं प्राप्स्यति।
सीवायएससी २०२६ इत्यस्य प्रत्येकस्य विषय-धारायां चयनिताय युवा-वैज्ञानिकाय एकविंशति-सहस्र-रूप्यकाणां नगद-पुरस्कारः प्रदास्यते। ततः परं पुरस्कार-विजेतारः भारतस्य कस्यचित् राष्ट्रिय-प्रयोगशालायां प्रतिष्ठिते अनुसन्धान-संस्थाने मान्यताप्राप्ते विश्वविद्यालये वा द्विमास-पर्यन्तं उन्नत-अनुसन्धान-कार्यस्य अवसरं प्राप्स्यन्ति।
अस्मिन् सम्मेलने कृषि-विज्ञानं, कृषि-अभियांत्रिकी, जीव-विज्ञानं, जैव-प्रौद्योगिकी, जैव-रसायनं, जैव-सूचना-विज्ञानं, जैव-चिकित्सा-विज्ञानं, रासायनिक-विज्ञानं, पृथ्वी-वायुमण्डल-विज्ञानं च इत्यादयः कुलं विंशति-विषय-धाराः समाविष्टाः सन्ति। सम्मेलनसम्बद्धां विस्तृतां सूचनां तथा ऑनलाइन-पञ्जीकरणार्थं निर्दिष्ट-जालस्थलं अवलोकनीयम्।
---------------
हिन्दुस्थान समाचार