देहरादूनम्, 22 फरवरीमासः (हि.स.)। कैबिनेटमन्त्री रेखा आर्या राजपुरविधानसभाक्षेत्रस्य डालनवाला-मण्डले रविवासरे नरेन्द्र मोदिनो मासिककार्यक्रमं मन की बात अशृणोत्। अस्मिन् अवसरे मन्त्री आर्या अवदत् यत् प्रधानमन्त्रिणः प्रत्येकं संबोधनं ऊर्जा-उत्साह-राष्ट्रनिर्माणप्रेरणाभिः परिपूर्णं भवति।

सा उक्तवती यत् अद्यतनकार्यक्रमे विशेषतया एषा बाता उत्साहजनका आसीत् यत् प्रधानमन्त्री क्रीडकानां उल्लेखं कदापि न विस्मरति। ICC Men's T20 World Cup उदाहरणं दत्त्वा प्रधानमन्त्री अवदत् यत् विश्वस्य विविधदलानां मध्ये भारतस्य क्रीडकाः स्वप्रतिभायाः ध्वजं फहरयन्ति, यत् देशस्य क्रीडाक्षमतायाः वैश्विकस्वीकारस्य च प्रमाणम् अस्ति।

मन्त्री केरलप्रदेशे एका बालिकायाः अङ्गदानद्वारा अष्टजनानां जीवनदानस्य प्रेरकघटनां निर्दिश्य अवदत् यत् एतादृश्यः कथाः समाजाय नूतनां दिशं ददति, सेवा-संवेदनशीलता-मानवीयमूल्यानि च सुदृढयन्ति।

डिजिटल्-अरेस्ट् तथा साइबर-ठगी इत्यादीनां वर्धमानानां अपराधानां विषये चिन्तां व्यक्तयन्ती सा अवदत् यत् प्रधानमन्त्री ‘मन की बात’ माध्यमेन देशवासिभ्यः केवाईसी अथवा री-केवाईसी इत्यस्य नाम्ना आगच्छन्तः मिथ्या-दूरभाष-आह्वानाः विषये सजगाः भवितुम् अत्यावश्यकं सन्देशं दत्तवान्। डिजिटल्-युगे एतादृशी जागरूकता अत्यन्तं आवश्यकाऽस्ति।

कृषकसन्दर्भे सा उक्तवती यत् प्रधानमन्त्री सदा देशस्य अन्नदातॄन् स्वप्राथमिकतासु स्थापयति। तस्य प्रत्येकस्मिन् संबोधने कृषकाणामुत्थान-कल्याणयोः स्पष्टा झलक् दृश्यते। बोर्डपरीक्षासिद्धतां कुर्वतां विद्यार्थिनां कृते प्रधानमन्त्रिणः सन्देशः तस्य दूरदर्शिनेतृत्वस्य देशस्य भविष्ये प्रति गम्भीरतायाश्च द्योतकः अस्ति।

सा अवदत् यत् देशस्य नेतृत्वं एतादृशस्य दूरदर्शिनः नेतुः हस्तयोः अस्ति, यः वर्तमानस्य सह भविष्यमपि चिन्तयति, समाजस्य प्रत्येकं वर्गं सहगृह्य अग्रे गन्तुं प्रयतते।

अस्मिन् अवसरे मण्डलाध्यक्षः पूनमशर्मा, जिल्लायाःउपाध्यक्षः सुनीलशर्मा इत्यादयः अनेके पदाधिकारी कार्यकर्तारश्च उपस्थिताः आसन्।

हिन्दुस्थान समाचार