धर्मशालानगरम्, २४ फरवरीमासः (हि.स.)। उप–मुख्य–सचेतकः केवलसिंहः पठानिया मङ्गलवासरे वनविभागेन सम्बद्धानां विविध–विकास–कार्याणां परियोजनानां च समीक्षार्थं धर्मशालायां वनविभाग–परिसरे सम्बन्धितैः अधिकारिभिः सह आयोजितायाः सभायाः अध्यक्षतां कृतवान्। अस्यां सभायां शाहपुरक्षेत्रस्य ईको–पर्यटन–स्थलेषु करेरी, रिडकमार् तथा सतोवरी इत्यत्र सञ्चालितानां कार्याणां विस्तृतरूपेण समीक्षा कृता। अनेन सह जाईका, केएफडब्ल्यू तथा आईडीपी–परियोजनानां प्रगतिस्थितेः समीक्षाऽपि कृता, अपि च बनखण्डी–क्षेत्रे निर्माणाधीनस्य दुर्गेश–अरण्य–प्राणि-उद्यानस्य कार्याणाम् अवलोकनं कृतम्।

बनखण्ड्यां निर्माणाधीनस्य दुर्गेश–अरण्य–प्राणि-उद्यानस्य (चिड़ियाघरस्य) कार्याणि समीक्ष्य पठानिया अवदत् यत् ६१९ कोटि–रूप्यक–व्ययेन निर्मीयमाणः अयं प्रकल्पः काङ्गडाजनपदे पर्यटनाय नूतनां गतिं प्रदास्यति, तथा च स्थानीयस्तरे रोजगार–अवसरान् अपि सर्जिष्यति। अस्मिन् प्राणि-उद्याने पर्यटकेभ्यः विश्वस्तरीयं अनुभवम् उपलभ्यते इति तेनोक्तम्। सः अवदत् यत् प्राणि-उद्यानस्य कार्यं प्रगतौ वर्तते, अस्मिन्नेव वर्षे प्रथमः चरणः जनतायै समर्पयिष्यते।

पठानिया सूचितवान् यत् करेरी–सरोवर–मार्गस्य विकासार्थं प्रथमचरणे पञ्चाशत्–लक्ष–रूप्यकाणि व्ययीकृतानि भवन्ति। अस्यां परियोजनायां मार्गस्य संशोधनं, मार्गं गच्छतां पर्यटकाणां कृते विश्राम–स्थलानां तथा अवलोकन–कुटीरस्य निर्माणं च भविष्यति, येन पर्यटकेभ्यः उत्तमाः सहजता: उपलब्धाः भविष्यन्ति। सः सूचनां दत्तवान् यत् गतवर्षे बहुसंख्यकाः पर्यटकाः त्रिउण्ड–मार्गं प्राप्तवन्तः, यत् अस्मिन् क्षेत्रे वर्धमानाः पर्यटन–सम्भावनाः दर्शयन्ति।

हिन्दुस्थान समाचार / अंशु गुप्ता