Enter your Email Address to subscribe to our newsletters
जयपुरम्, 24 फ़रवरीमासः (हि.स.)।
पशुपालनमन्त्री जोरारामकुमावतः मंगलवासरे विधानसभायां उक्तवान् यत् राज्यसरकारेण मोबाइलवेटरनरीयूनिट् योजनायाः माध्यमेन पशुपालकेभ्यः गृहे एव पशूनां कृते निःशुल्कचिकित्सासुविधा प्रदीयते। २४ फरवरी २०२४ दिनाङ्कात् प्रारब्धायाः अस्याः योजनायाः अन्तर्गतं १५ फरवरी २०२६ पर्यन्तं मोबाइलवेटरनरीयूनिट् द्वारा ऑनकॉलसेवाभिः शिविरैः च १५ लक्ष ९९ सहस्र ८४० पशुपालकानां कुलं ६१ लक्ष ३० सहस्र ८५६ पशूनां निःशुल्कोपचारः कृतः इति तेन उक्तम्।
तेन सूचितं यत् चूरूजिले ३५ सहस्र ४६६ पशुपालकानां १ लक्ष २३ सहस्र ३७४ पशूनाम् उपचारः कृतः, चूरूविधानसभाक्षेत्रे ७ सहस्र ६६६ पशुपालकानां ३६ सहस्र ५४९ पशूनां निःशुल्कचिकित्सा कृता। योजनाप्रारम्भसमये विभागस्य कॉलसेन्टरम् आरब्धुं न शक्यते स्म, अतः ग्रामे ग्रामे शिविराणि आयोज्य पशुपालकाः लाभान्विताः। तेषु शिविरेषु चिकित्सितानां पशूनां संख्या अपि एतेषु प्रदत्तेषु अन्तर्भाविता अस्ति।
९ अक्टूबर २०२४ दिनाङ्के विभागस्य कॉलसेन्टर् प्रारब्धम्, ३१ दिसंबर २०२४ आरभ्य यूनिट् द्वारा पशूनां ऑनकॉलनिःशुल्कोपचारः नियमितरूपेण प्रदीयते इति तेन उक्तम्। प्रश्नकाले विधायकेन हरलालसहारणेन पृष्टानां पूरकप्रश्नानां उत्तरं ददतः मन्त्री अवदत् यत् योजनायाः सफलतां प्रदेशस्य विशालभौगोलिकस्थितिं च दृष्ट्वा राज्यसरकारेण केन्द्रीयपशुपालनमन्त्रिणः समीपे मोबाइलयूनिट्ससंख्या वर्धयितुं अनुरोधः कृतः।
एषा योजना केन्द्रप्रवर्तितयोजनान्तर्गतं सञ्चाल्यते। अस्याः अन्तर्गतं प्रदेशे ५३६ मोबाइलवेटरनरीयूनिट्स सञ्चालिताः सन्ति। एतेषां मोबाइलयानानां शतप्रतिशतराशिः केन्द्रसरकारेण प्रदत्ता, संचालनव्ययस्य ६० प्रतिशतं केन्द्रसरकारः ४० प्रतिशतं राज्यसर्वकारः वहति।
---------------
हिन्दुस्थान समाचार