Enter your Email Address to subscribe to our newsletters
लखनऊ, 24 फरवरीमासः (हि. स.)।
उत्तरप्रदेशस्य उपमुख्यमन्त्री ब्रजेश पाठकः अद्य उक्तवान् यत् गतदिनेषु देहलीनगरे आयोजिते एआई समिट नाम वैश्विकसम्मेलने विश्वस्य विविधदेशेभ्यः जनाः समागताः। अस्य वैश्विककार्यक्रमस्य विरोधे कांग्रेसदलम् अतीव अग्रे गत्वा मर्यादां उल्लङ्घ्य समिटमध्ये नग्नताया प्रदर्शनम् अकरोत्, यत् अत्यन्तं दुःखदं दुर्भाग्यपूर्णं च इति तेन उक्तम्।
तेन उक्तं यत् प्रधानमन्त्रिणः नरेंद्र मोदी इत्यस्य मतम् अस्ति यत् सर्वेषु क्षेत्रेषु उत्कर्षं साधयित्वा एव भारतस्य प्रगति सम्भवति। विश्वस्य आवश्यकतां दृष्ट्वा प्रधानमन्त्रिणा एआई समिट आयोजितः। कांग्रेसदलाय देशस्य प्रगति रोचते न। सत्तालाभाय कांग्रेसस्य राहुल गांधी तस्य दलं च देशान्तर्गतं विदेशे वा भारतस्य अपमाननार्थं सर्वप्रकारेण प्रयत्नशीलौ स्तः। ते भारतं लज्जितुं किञ्चित् अपि अवशिष्टं न कुर्वन्ति।
सामाजिकमाध्यमेषु यत् क्रियते तत् देशद्रोहस्य श्रेण्यां पतति इति अपि तेन उक्तम्। एआई समिटमध्ये नग्ननृत्यप्रदर्शनं अत्यन्तं निकृष्टः मार्गः इति तेन निरूपितम्। विरोधस्य नाम्ना कांग्रेसदलम् नग्नताया प्रदर्शनम् अकरोत्। गांधीमहात्मनः आरभ्य नेताजी सुभाषचन्द्रबोसपर्यन्तं सर्वे भारतमातुः सेवां कृतवन्तः, किन्तु अधुना कांग्रेस भारतस्य विकासमार्गे विघ्नरूपेण स्थितम् इति उक्तम्।
ब्रजेश पाठक “राहुल” इत्यस्य नाम्नः अर्थं विनोदरूपेण निरूप्य अवदत्— “रा” इत्यस्य रार, “हु” इत्यस्य हुड्दङ्ग इति।
तेन पुनः उक्तं यत् प्रधानमन्त्रिणि कीचडप्रक्षेपणं सूर्ये थूकनस्य सदृशम्। राहुल गांधी देशविरोधिनां शक्तीनां प्रवक्ता इव अभवत्। देशे दङ्गान् जनयितुं मातृभूमेः अपकीर्तिं कर्तुं च प्रवृत्तिः तस्य आचारः अभवत् इति आरोपः कृतः। राजीव गांधी फाउण्डेशन इत्यत्र चीनदेशात् प्राप्तेन धनेन देशविरुद्धं कार्यं क्रियते इति अपि आरोपितम्। राहुल गांधी कथं चीनदेशात् धनं स्वीकृतवान् इति तेन स्पष्टीकर्तव्यम् इति उक्तम्।
अधुना विश्वे भारतस्य शक्तिः वर्धिता। कांग्रेसदलेन यदा शासनं त्यक्तं तदा भारतस्य स्थितिः का आसीत्। अद्य भारतं विश्वस्य चतुर्थस्थाने स्थितम् अर्थव्यवस्थारूपेण प्रतिष्ठितम्।
अखिलेश यादवस्य “शतं विधायकान् आनयेत् चेत् मुख्यमन्त्री भविष्यति” इत्यस्य वक्तव्ये विषये ब्रजेश पाठक अवदत् यत् अखिलेश यादव राहुल गांधी च एकस्मिन् पात्रे स्थितौ सदृशौ स्तः। अखिलेश यादव मन्यते यत् सत्ता पारिवारिकी अस्ति तथा स्वयमेव हस्तान्तरिता भविष्यति, किन्तु सत्ता तस्मै एव दास्यते यं जनताजनाः इच्छन्ति।
---------------
हिन्दुस्थान समाचार