Enter your Email Address to subscribe to our newsletters
दरंगः (असमः), 25 फरवरीमासः (हि.स.)।दलगांव विधानसभाक्षेत्रं रायजरदलाय परित्यक्तुं प्रवर्तमाना चर्चायाः विरोधेन काङ्ग्रेसकार्यकर्तारः मङ्गलवासरस्य रात्रौ गौरव गोगोई निवासस्य समक्षं तीव्रं प्रदर्शनम् अकुर्वन्।
प्रदर्शनरताः कार्यकर्तारः उक्तवन्तः यत् दलगांव आसने काङ्ग्रेसदलस्य दृढः आधारः विद्यमानः अस्ति, अतः अन्यस्मै दलाय तस्य परित्यागः स्थानीयकार्यकर्तॄणां समर्थकानां च भावनाभ्यः विरुद्धः भविष्यति। ते आगामिनि निर्वाचनकाले अस्मात् आसनात् काङ्ग्रेसदलस्य प्रत्याशिने एव नामनिर्देशनं दातुं याचनां कृतवन्तः।
कार्यकर्तारः अपि सूचनाम् अददुः यत् यदि एतद् आसनं परित्यज्यते तर्हि तेन भूमिस्थस्तरे दलस्य हानिः भविष्यति। ते दलनेतृत्वं निर्णयस्य पुनर्विचारं कर्तुं तथा दलगांवजनतायाः भावनायाः सम्मानं कर्तुं प्रार्थितवन्तः।
हिन्दुस्थान समाचार