Enter your Email Address to subscribe to our newsletters
गुवाहाटी, 26 फरवरीमासः (हि.स.)।
असम राज्यस्य मुख्यमन्त्री अवदत् यत् वर्तमानराजनीतिकपरिस्थितिषु भारतीय राष्ट्रिय कांग्रेस राज्यस्य षट् खिलंजियाः स्थानीय-आसनेषु अपि जेतुं असमर्था अस्ति। विपक्षदलानां सम्भावितगठबन्धनविषये तीव्रप्रतिक्रियां व्यक्तयन् सः एतत् दावं कृतवान्।
एकस्मिन् कार्यक्रमे सहभागीभूत्वा शुक्रवासरे पत्रकारैः सह संवादे सः कांग्रेस तथा राइजर दल इत्येतयोः मध्ये प्रवर्तमानविवादस्य उल्लेखं कृत्वा अवदत् यत् येषु विधानसभा क्षेत्रेषु प्रायः नवत्यधिकशतांशः मतदातृणां मियाँ मुस्लिमसमुदायस्य अस्ति, तासामेव आसनानां विषये उभयोः दलयोः विवादः प्रवर्तते। तस्य आरोपः आसीत् यत् कांग्रेस राइजरदलयोः मताधारः मुख्यतया मियाँ मुस्लिमसमुदायः अस्ति तथा उभे दले तस्मिन् आधारे एव राजनीतिं कुर्वतः।
मुख्यमन्त्री अवदत् यत् ते अस्मान् विस्मृतवन्तः। तस्य मतम् आसीत् यत् खिलंजिया भारतीय सनातनी मतदातारः अस्मिन् समये पूर्णतया भारतीय जनतादलेन सह स्थिताः सन्ति। आगामिनिर्वाचने शतप्रतिशतं खिलंजियाः भारतीयाः सनातनिनः च जनाः भाजपा पक्षे मतदानं करिष्यन्ति इति सः विश्वासं व्यक्तवान्।
विपक्षगठबन्धनस्य विषये टिप्पणीं कुर्वन् मुख्यमन्त्री अवदत् यत् एतादृशं गठबन्धनं भाजपा कृते महती परिस्थितिर्न भविष्यति।
---------------
हिन्दुस्थान समाचार