धमतरीनगरम्, २६ फरवरीमासः (हि.स.)। गुरुवासरस्य सायंकाले श्यामभक्तैः नगरे खाटू–श्यामस्य निशान–यात्रा निष्कासिता। अस्यां यात्रायां बहुसंख्यकाः खाटू–श्यामभक्ताः सम्मिलिताः अभवन्। यात्रानिष्क्रमणात् पूर्वं मठ–मन्दिरे विधिवत् पूजार्चना समाचरिता। ततः वाद्य–नादैः सह निष्कासिता यात्रा गोल–विपणं, मकई–चतुष्पथं, सिहावा–चतुष्पथं च अतिक्रम्य श्याम–मन्दिरं प्रति प्राप्तवती। अत्र पुनः खाटू–श्याम–महाराजस्य विधि–विधानपूर्वकं पूजार्चना कृता। रक्तवर्ण–ध्वजं वहन्तः श्यामभक्ताः विशेषाकर्षणं जनयामासुः। मार्गे सर्वत्र बाबारथात् बून्दी–प्रसादस्य वितरणं कृतम्। आयोजने बहवः श्यामभक्ताः सहभागं कृतवन्तः।

रामधुन–समित्या शुक्रवासरे भजन–सन्ध्यायाः प्रस्तुतिर्भविष्यति, या रात्रौ अष्टवादनात् दशवादनपर्यन्तं प्रवर्तिष्यते। अस्मिन् धार्मिक–आयोजने बाबायाः अलौकिकं शृङ्गारम्, लक्ष्मी–देव्याः तथा हनुमत्–देवस्य दिव्यं शृङ्गारं, छप्पन–भोगस्य च अर्पणं समस्तैः श्यामभक्तैः करिष्यते।

२८ फरवरीमासे शनिवासरे विशेष–भजन–सन्ध्या रात्रौ अष्टवादनात् आरभ्य श्री–श्याम–परिवार–धमतरी तथा नेहा–बेरीवाल–वर्या (बरगढ़) इत्येतयोः मधुर–प्रस्तुत्या भविष्यति। तत्र श्याम–परिवारेण श्याम–कृशराया: स्वल्पाहार–प्रसादस्य च वितरणं करिष्यते। तस्मिन्नेव दिने अपराह्णे रायपुर–निवासिना मधुसूदन–अग्रवाल–वर्येण भावपूर्णः श्याम–पाठः प्रस्तूयते।

त्रिदिनपर्यन्तं प्रवर्तमानस्य अस्य धार्मिक–आयोजनस्य सफलतार्थं श्याम–परिवारः सततम् उद्योगं करोति। श्री–श्याम–चैरिटेबल–न्यास–धमतरी-द्वारा आयोजनकाले भव्य–अलङ्कारः, आकर्षक–दीप–प्रकाशः तथा आतिशबाजी–विन्यासेन सम्पूर्णं मन्दिर–परिसरं भक्तिमयं च आलौकिकं वातावरणं च सुसज्जितं भविष्यति।

हिन्दुस्थान समाचार / अंशु गुप्ता