Enter your Email Address to subscribe to our newsletters
फर्रुखाबादनगरम्, २७ फरवरीमासः (हि.स.)। राष्ट्रीय-प्रगतिशील-फोरम इत्यस्य आयोजनात् फर्रुखाबादनगरे चंद्रशेखर-आजादस्य बलिदान-दिवसावसरे सदवाड़ास्थिते कृष्णा-प्रेस-परिसरे गोष्ठी आयोजिताभवत्।
अस्यां गोष्ठ्यां प्रो.रामबाबूमिश्र-रत्नेशः अवदत्— “न फाँसी, न कारागारः; आजादः आजाद एव भविष्यामि” इति उद्घोषं कृत्वा चंद्रशेखर-आजादः अभिमन्युवत् एकाकी अन्तिम-श्वासपर्यन्तं शत्रुभिः सह संघर्षं कृत्वा वीरगतिं प्राप्तवान्। बलिदानी क्रान्तिकारिणः पुस्तकेषु न तिष्ठन्ति, अपि तु राष्ट्रप्रेमिणां हृदयेषु नित्यं वसन्ति। ते खलु सत्यतः अमृतस्य पुत्राः सन्ति।
गीतकारः पवन-बाथमः अवदत्— देशः अहिंसया प्रदर्शनमात्रेण वा स्वातन्त्र्यं न प्राप्तवान्, अपि तु यूनां रक्तस्नानेन एव देशः स्वाधीनः अभवत्। क्रान्तिकारिणां स्मरणमात्रेण अद्यापि यूनां हृदयेषु विद्युत्सदृशी स्पन्दनं जायते।
प्रो.कुलदीप-आर्यः अवदत्— सनातनं वैदिक-दर्शनं महत्तर-उद्देश्याय प्राणोत्सर्गस्य प्रेरणां ददाति। पूर्व-प्रधानाचार्यः अहिबरन-सिंह-गौरः अवदत्— इतिहासकारैः भारतीय-क्रान्तेः इतिहासे आच्छादनं कर्तुम् अपराधः कृतः; वर्तमान-सर्वकारः तस्य दोषस्य संशोधनाय प्रयासान् करोति।
आचार्यः शिवकान्त-शुक्लः अवदत्— महाराणाप्रताप:, गुरुगोविंदसिंह:, शिवाजी, बिरसा मुंडा, रानी लक्ष्मीबाई, चंद्रशेखर-आजाद:, सरदारभगतसिंह: इत्यादीनां महावीराणाम् आदर्श-चरित्राणि पाठ्यक्रमेषु समावेशयितुं चेत् राष्ट्रचेतना जागरयितुं शक्यते।
अस्मिन् अवसरे डॉ.सुनीलसिद्धार्थः, वी.एस.तिवारी, जे.पी.दुबे तथा अनुपममिश्रः अपि स्व-स्व-विचारान् प्रस्तुतवन्तः।
हिन्दुस्थान समाचार / अंशु गुप्ता