Enter your Email Address to subscribe to our newsletters
जम्मूनगरम्, २८ फरवरीमासः (हि.स.)। भारत-सर्वकारस्य सूचना-प्रसारण-मन्त्रालयस्य अन्तर्गतं कार्यरतः सेंट्रल ब्यूरो ऑफ कम्युनिकेशन (जम्मू–कश्मीर–लद्दाख-क्षेत्र) द्वारा अरनिया-खण्डस्य सीमावर्ती त्रेवा-ग्रामे वीबी-जी-राम-जी-अधिनियमः २०२५ तथा स्किल-इण्डिया विषयेषु आयोजितस्य जागरूकता-अभियानस्य सफलं समापनम् अभवत्। अस्य कार्यक्रमस्य उद्देश्यं ग्रामीण-क्षेत्रेषु शासकीय-योजनानां सूचना-प्रसारः तथा यूनां आत्मनिर्भर-निर्माण-दिशि प्रेरणा दानं च आसीत्।
कार्यक्रमस्य प्रभारी राजेश-शर्मा वीबी-जी-राम-जी-अधिनियमस्य २०२५ प्रावधानान् उद्देश्यान् च प्रकाशयन् अवदत् यत् अयम् अधिनियमः ग्रामीण-विकासस्य तथा सशक्तीकरणस्य दिशि एकं महत्त्वपूर्णं पदम् अस्ति। तेन स्किल-इण्डिया-योजनाया: माध्यमेन ग्रामीण-यूनां प्रशिक्षणं दत्त्वा रोजगार-अवसर-वृद्धेः आवश्यकता विशेषतया प्रतिपादिता।
संसाधन-व्यक्तिरूपेण उपस्थितः डॉ.विप्लव-सूदनः, अरनिया-खण्डस्य विकास-अधिकारी, अधिनियमस्य क्रियान्वयनं प्रमुख-विशेषता: च विषदतया प्रस्तुतवान् तथा स्थानीय-जनान् शासकीय-योजनासु सक्रिय-सहभागितां कर्तुम् आग्रहं कृतवान्। पूर्व-सरपञ्च: बलबीर-कौरः त्रेवा-पञ्चायतेः उपलब्धीनां उल्लेखं कृत्वा महात्मा-गान्धी-राष्ट्रीय-ग्रामीण-रोजगार-गारंटी-अधिनियमस्य अन्तर्गतं कृतानां सकारात्मक-संशोधनानां विषये सूचनां सहभागं कृतवान्।
कार्यक्रमे संगोष्ठी-चित्रकला-प्रतियोगितयोः अपि आयोजनं कृतम्। अन्ते प्रतिभागिनः सम्मानिताः, लघु-जलपानेन सह कार्यक्रमस्य समापनं कृतम्।
हिन्दुस्थान समाचार / अंशु गुप्ता