Enter your Email Address to subscribe to our newsletters
गुवाहाटीनगरम्, २८ फरवरीमासः (हि.स.)। असम-प्रदेश-कांग्रेस-कमेटी (एपीसीसी) इत्यस्य अध्यक्षस्य गौरवगोगोई इत्यस्य नेतृत्वे आयोजिता कांग्रेस–दलस्य ‘समय–परिवर्तनर–यात्रा’ शनिवासरे शिवसागर जनपदं प्रविष्टवती। यात्रायाः द्वितीयः चरणः डिमौ-नगरात् आरब्धः; सा अथाबाड़ी, बाकाटामार्गेण गत्वा शिवसागरं प्रति अग्रसराभवत्।
यात्राकाले आयोजितासु सभासु सम्बोधयन् गोगोईमहोदयः भारतीयजनतापक्ष: सर्वकारं प्रति जुबीन–क्षेत्रस्य विकासस्य उपेक्षां आरोपयामास। सः अवदत् यत् क्षेत्र–संरक्षणार्थं अपि किमपि दृढ–पदम् न गृहीतम्, सर्वकारः तु केवलं प्रचार–कार्येषु एव व्यस्त: अस्ति।
डिमौ–शिवसागरयोः यात्राकाले “सम्प्रति जाली दिम, बरपीरा पारी दिम, एइबार कांग्रेससर्वकार: आनि दिम” इति गीतध्वनिः सर्वत्र निनादितः। कांग्रेस–नेतारः पानिबिल-गोमोथाग्रामस्थिते श्री-श्री-शंकरदेव-नामघरे आशीर्वादम् अपि प्राप्तवन्तः।
गोगोईमहोदयः राज्य–सर्वकारं प्रति विद्यालयानां निरोधनम्, ग्रामेषु मद्य–आपणानां उद्घाटनम्, नशा–समस्यायाः वृद्धिं च आरोपरूपेण निरूपितवान्। सः अवदत् यत् महिलाः केवलं लाभार्थिन्यः भूत्वा न स्थातुम् इच्छन्ति; कांग्रेस–सरकारे स्थापिते पात्र–महिलाभ्यः लाभः प्रत्यक्षं तासां धनागारेषु प्रदास्यते।
यात्रायां अनेकाः वरिष्ठाः कांग्रेस–नेतारः सहभागिनः आसन्। दल–सूत्राणां कथनानुसारं यात्रा डिब्रूगढजनपदान्तर्गतयोः नाहरकटिया तथा दुलियाजननगरयोः अपि निरन्तरं स्थास्यति।
हिन्दुस्थान समाचार / अंशु गुप्ता