प्रधानमन्त्रिणा नरेन्द्र मोदी अजमेरनगरात् राष्ट्रिय-एचपीवी टीकाकरण अभियानस्य शुभारम्भः कृतः

त्रिमासीयाभियाने मध्य प्रदेश राज्ये 8 लक्षाः बालिकाः निःशुल्कं टीकां प्राप्स्यन्ति

भोपाल 28 फरवरीमासः। देशे महिलानां बालिकानां च स्वास्थ्यसंरक्षणस्य दिशि महत्त्वपूर्णं दूरदर्शि च पदं गृह्णन् प्रधानमन्त्रिणा राजस्थान राज्यस्य अजमेरनगरात् राष्ट्रिय एचपीवी ह्यूमन पैपिलोमा वायरस टीकाकरण अभियानस्य शुभारम्भः कृतः। त्रिमासपर्यन्तं चलिष्यति अस्मिन् अभियाने देशे 14 तः 15 वर्षपर्यन्तं आयुवर्गस्य 1 कोटि किशोरीबालिकानां टीकाकरणं क्रियते। मध्यप्रदेशे 8 लक्षाः किशोरीबालिकाः टीकां प्राप्स्यन्ति।

मुख्यमन्त्री मोहन यादवो नवदिल्लीस्थानात् आभासीयमाध्यमेन सम्बोधयन् प्रधानमन्त्रिणं प्रति कृतज्ञतां व्यक्तवान्। सः अवदत् यत् प्रधानमन्त्रिणः नेतृत्वे देशे प्रतिरोधात्मकस्वास्थ्यसेवायाः सुदृढीकरणे निरन्तरं कार्यं प्रवर्तते। अस्याः श्रेण्याः अन्तर्गतं गर्भाशयग्रीवाकर्कटरोगनिवारणाय एचपीवी टीकाकरणाभियानं प्रारब्धम्। राज्यसरकार प्रधानमन्त्रिणः मार्गदर्शने स्वास्थ्यक्षेत्रे दृढतया कार्यं करोति।

मुख्यमन्त्री उक्तवान् यत् विपण्यां एचपीवी टीकायाः मूल्यं प्रति डोज प्रायः 4 सहस्ररूप्यकाणि अस्ति, किन्तु सरकारः एतां टीकां 14 तः 15 वर्षपर्यन्तं सर्वासां पात्रबालिकानां कृते पूर्णतया निःशुल्कं प्रदास्यति। सः स्वास्थ्यकार्यकर्तॄन् जनप्रतिनिधीन् अभिभावकांश्च आह्वयत् यत् एषः अभियानः जनान्दोलनरूपेण सफलः क्रियेत।

सर्वाइकलकर्कटरोगमुक्तमध्यप्रदेशस्य स्वस्थस्वावलम्बिन्याः नूतनपीढ्याः निर्माणं सरकारस्य संकल्पः इति उपमुख्यमन्त्री राजेन्द्र शुक्ल उक्तवान्। मध्यप्रदेशे डॉ कैलाशनाथ काटजू चिकित्सालये भोपालनगरात् अभियानस्य शुभारम्भः तेन कृतः। सः अवदत् यत् महिलासु स्तनकर्कटरोगानन्तरं सर्वाइकलकर्कटरोगः द्वितीयः सामान्यकर्कटरोगः अस्ति, यस्य प्रचलनदरः लक्षे 156 इति निर्दिश्यते। एचपीवी टीकाकरणं भविष्ये अस्य रोगस्य नियन्त्रणेषु अत्यन्तं महत्त्वपूर्णां भूमिकां वहिष्यति। रोगोत्पत्तेः अनन्तरं चिकित्सात् श्रेष्ठं यत् रोगः एव न जायेत। एषः अभियानः प्रतिषेधात्मकचिकित्सायाः दिशि महत् पदम्।

उपमुख्यमन्त्री उक्तवान् यत् निरोगीकायाअभियानम् सिकलसेलउन्मूलनमिशनम् स्वस्थनारीसशक्तपरिवारअभियानम् स्वस्थयकृत्मिशनम् इत्यादिषु स्वास्थ्यकार्येषु उत्कृष्टं कार्यं क्रियते। सः विश्वासं व्यक्तवान् यत् स्वास्थ्यकार्यकर्तॄणां समर्पणेन जनप्रतिनिधीनां समाजसेविनां च सक्रियसहभागितया नागरिकानां जागरूकतया च लक्ष्यं समयात् पूर्वं साध्यते।

स्वास्थ्यजागरूकता नियमितस्वास्थ्यपरीक्षणं च अत्यावश्यकम् इति सः उक्तवान्। प्रदेशे हब स्पोक प्रतिमानेन प्राथमिकस्वास्थ्यकेन्द्रेषु 85 प्रकाराः परीक्षणाः उपलब्धाः भवन्ति। ग्राम्यप्रदेशेषु टेलिमेडिसिनप्रोत्साहनं क्रियते येन विशेषज्ञचिकित्सकपरामर्शः सुलभः भवेत् अनावश्यकरेफरलसंख्या न्यूनः भवेत्। प्रत्येकलोकसभाक्षेत्रे चिकित्सामहाविद्यालयस्थापनदिशि अपि कार्यं प्रवर्तते।

अस्मिन् अवसरि मिशन मधुहारी नामकस्य कार्यक्रमस्य अपि शुभारम्भः कृतः। मधुमेहनियन्त्रणाय आदर्शजीवनशैली संतुलिताहारः समये रोगपहचानं च अनिवार्यम्। अयं कार्यक्रमः टाइप 1 मधुमेहपीडितबालककिशोराणां समग्रचिकित्सायै प्रारब्धः। अस्मिन् अन्तर्गतं सर्वेषु जिलाचिकित्सालयेषु साप्ताहिकविशेषटाइप 1 मधुमेहक्लिनिकाः आरभ्यन्ते, यत्र इन्सुलिनसततउपलब्धता रक्तशर्करापरीक्षणं विशेषज्ञपरामर्शः नियमितअनुगमनं च एकस्मिन् स्थाने भविष्यति। पञ्च बालिकाभ्यः टी1डी परीक्षणकिटाः वितरिताः। एतेषु किटेषु ग्लूकोमीटर परीक्षणपट्टिकाः आवश्यकोपकरणानि च सन्ति। द्वयोः संभागयोः 16 जिलेषु 759 किशोरकिशोरीभ्यः एते किटाः निःशुल्कं प्रदीयन्ते।

स्वास्थ्याधोसंरचनाविकासेन सह स्वास्थ्यकर्मिणां हितसंरक्षणं मानवसंसाधनसशक्तीकरणं च प्रति सरकारः प्रतिबद्धा अस्ति। चिकित्सकप्राध्यापकानां एनपीए स्वीकृतिः सुपरस्पेशियलिटी चिकित्सालयेषु आयुष्मान प्रोत्साहनराशेः शीघ्रभुगतानव्यवस्था च उल्लिखिता। विधायकः भगवानदास सबनानी महापौरा मालती राय अपरमुख्यसचिवः अशोक बर्नवाल आयुक्तः धनराजू एस एमडी एनएचएम डॉ सलोनी सिडाना संचालिका डॉ रचना दुबे इत्यादयः उपस्थिताः आसन्।

प्रदेशे एचपीवी टीकाकरणसत्राणि प्रतिदिनं प्रातः 9 वादनात् अपराह्ण 2 वादनपर्यन्तं शासकीयस्वास्थ्यसंस्थासु आयोज्यन्ते। टीकाकरणं स्वैच्छिकम् अभिभावकानां अनुमतिः अनिवार्या। पात्रतायां ताः बालिकाः सम्मिलिताः याः 14 वर्षं पूर्णं कृतवन्त्यः किन्तु 15 वर्षं न पूर्णीकृतवन्त्यः, अपि च अभियानारम्भात् 90 दिनानां मध्ये 15 वर्षं पूर्णयिष्यन्ति। प्रायः 471 स्वास्थ्यकेन्द्रेषु टीकाकरणं भविष्यति। आगामि 90 दिवसान् मार्च अप्रैल मई मासेषु अभियानं प्रवर्तते।

समस्ताः पात्राः किशोरीबालिकाः यू विन पोर्टले पञ्जीकृताः भविष्यन्ति। परिचयपत्रेण अभिभावकदूरवाणीसंख्यया च स्वयमेव पञ्जीकरणं कर्तुं शक्यते। नियन्त्रणकक्षः स्थापितः हेल्पलाइन 104 अपि प्रदत्ता। टीकानन्तरं 30 निमेषपर्यन्तं स्वास्थ्यकेन्द्रे अवलोकनं क्रियते। टीकापूर्वं बालिका रिक्तउदरा न भवेत् इति सुनिश्चितं क्रियते। सूक्ष्मदुष्प्रभावाः यथा इंजेक्शनस्थले वेदना शिरःशूलः क्लान्तिः च सामान्याः सन्ति शीघ्रमेव निवर्तन्ते।

---

हिन्दुस्थान समाचार