लखनऊनगरम्, २८ फरवरीमासः (हि.स.)। उत्तर-प्रदेशस्य उपमुख्यमन्त्री केशवप्रसादमौर्य: ग्राम्य-विकास-विभागस्य सर्वान् अधिकारिणः कर्मचारिणः च स्पष्टतया निर्देशितवान् यत् विभागीय-योजनानां क्रियान्वयनं पूर्ण-पारदर्शितया, सत्यतया तथा उत्तरदायित्वेन सह एव करणीयम्। विशेषतया तेन मनरेगा/वीबी-जी-रामजी-कार्येषु तथा तेषु प्रयुज्यमान-सामग्री-आपूर्तेः सम्बन्धिषु मार्गदर्शक-निर्देशेषु अक्षरशः अनुपालनं सुनिश्चितं कर्तुं बलं दत्तम्।

उपमुख्यमन्त्री शनिवासरे अवदत् यत् ग्राम्य-विकास-योजनाः प्रदेशस्य निर्धनानां, श्रमिकाणां तथा ग्रामीण-परिवाराणां सशक्तीकरणस्य आधारा: सन्ति। कस्मिन्नपि स्तरं अनियमितता, पक्षपातः अथवा हित-संघर्षः न स्वीकरिष्यते। तेन अधिकारिणः शासनादेशानुसारं सर्वासां प्रक्रियाणां समीक्षा कृत्वा पारदर्शीं निष्पक्षां च व्यवस्थां सुनिश्चितां कर्तुं निर्देशिताः।

प्रदेश-सर्वकारस्य अभिप्रायः अस्ति यत् महात्मा-गान्धी-राष्ट्रीय-ग्रामीण-रोजगार-गारंटी-योजना, विकसित-भारत–रोजगार-गारंटी तथा आजीविका-अभियानम् (ग्रामीण) इत्येतासां माध्यमेन ग्रामीण-अर्थव्यवस्थां सुदृढीकृत्य आजीविका-सृजनं आजीविका-संवर्धनं च पूर्ण-पारदर्शितया साध्यताम् आगच्छेत्।

ग्राम्य-विकास-विभागस्य प्रमुख-सचिवेन निर्गते शासनादेशे महात्मा-गान्धी-नरेगा-योजना तथा विकसित-भारत–रोजगार-गारंटी एवं आजीविका-अभियान (ग्रामीण) (वीबी-जी-रामजी) अन्तर्गतं सामग्री, ईन्धन, स्टेशनरी, अन्य-सामग्री अथवा सेवासु आपूर्तये वेण्डर-पञ्जीकरणस्य विषये महत्त्वपूर्णाः निर्देशाः प्रदत्ताः। एतेषां निर्देशानां कठोर-अनुपालनं सुनिश्चितं कर्तुं सर्वे जनपदाधिकारिणः निर्देशिताः।संशोधित-निर्देशानुसारं मनरेगा/वीबी-जी-रामजी-कार्यक्रम-क्रियान्वयने सम्बद्धानां पदाधिकारिणां-कर्मचारिणां—यथा क्षेत्र-पञ्चायत-प्रमुखः, खण्ड-विकास-अधिकारी, ग्राम-पञ्चायत-प्रधानः, ग्राम-पञ्चायत-सचिवः, तकनीकी-सहायकः, सहायक-कार्यक्रम-अधिकारी, सहायक-लेखाकारः, संगणक-संचालक:, ग्राम-रोजगार-सेवकः—तथा सोशल-ऑडिट-सम्बद्धानां जनपद/खण्ड-संसाधन-व्यक्तिनां संगणक-संचालकानां च पारिवारिक-सदस्यैः अथवा निकट-सम्बन्धिभिः स्थापिताः फर्मा-सम्पन्यः वेण्डर-रूपेण पञ्जीकर्तुं न अनुमन्यन्ते।

पारिवारिक-सम्बन्धिनां परिभाषा जनपद-पञ्चायत-सेवा-नियमावली, १९७० इत्यस्य परिच्छेद-५४ अनुसारं निर्धारिता—यस्मिन् पिता, माता, पति-पत्नी, पुत्र-पुत्री, जामाता, भ्राता-भगिनी, श्वशुर-श्वश्रू, चाचा-मामा, भातृजः-भगिनीपुत्रः, पितृव्य-मातुल-भ्राता इत्यादयः अन्तर्भवन्ति।

एतदर्थं सर्वे जनपद-कार्यक्रम-समन्वयकाः/जनपदाधिकारिणः स्वस्व-जनपदेषु मनरेगा तथा वीबी-जी-रामजी अन्तर्गतं वेण्डर-रूपेण पञ्जीकृतानां क्षेत्र-निर्माण्य: पृष्ठभूमेः पुनः गहन-परीक्षणं कृत्वा उक्त-निर्देशानां कठोर-अनुपालनं सुनिश्चितं कुर्वन्तु—इति स्पष्टतया निर्देशिताः।

हिन्दुस्थान समाचार / अंशु गुप्ता