बरेली, 3 फरवरीमासः (हि.स.) ।केन्द्रीयबजट् २०२६ आत्मनिर्भरभारतस्य दिशि प्रशंसनीयं दूरदर्शिनं च पदम् इति मन्यमाना सैन्ट्रल् यू पी चेम्बर् ऑफ् कॉमर्स् एण्ड् इण्डस्ट्री वेलफेयर् एसोसिएशन् सोमवासरात्रौ होटल् मैनोर् इत्यत्र “यूनियन् बजट् २०२६ इत्यस्य अवलोकनम् तथा नवीनपरिवर्तनानि” इति विषयकं सेमिनारम् आयोजितवती। अस्मिन् सेमिनारे नगरस्य प्रख्यातौ चार्टर्ड् अकाउन्टेण्टौ कपिलवैश्यः तथा सीए रविन्द्रअग्रवालः च बजटस्य विविधप्रावधानानां विषये विस्तरेण प्रकाशं दत्तवन्तौ।

संस्थायाः अध्यक्षः राजीवसिङ्घलः अवदत् यत् अयं बजट् उद्योगव्यापारजगतः कृते सन्तुलितः प्रगतिशीलः च विकासस्य गतिं दातुं समर्थः अस्ति। सः अवदत् यत् बजटे एमएसएमई स्टार्टअप् मैन्युफैक्चरिङ् निर्यातः व्यापारसुगमता च विशेषरूपेण केन्द्रे स्थापिताः सन्ति। एमएसएमई क्षेत्रस्य कृते ऋणसुविधानां अधिकसुदृढीकरणं कृतम् अस्ति येन लघुउद्योगानां महत् सम्बलम् उपलभ्यते।

संस्थायाः सचिवः अल्पितअग्रवालः अवदत् यत् बजटानन्तरं ऑटोमोबाइल् उद्योगे सकारात्मकसंकेताः दृश्यन्ते। अवसंरचनाविकासः हरितऊर्जाप्रवर्धनं मैन्युफैक्चरिङ् क्षेत्रस्य सुदृढीकरणं च ऑटो क्षेत्रं नूतनां गतिं प्रदास्यन्ति। मार्गाणां हाइवे लॉजिस्टिक्स् क्षेत्रे निवेशेन वाहनानां ऑटोघटकानां च मागः वर्धितुं सम्भावना अस्ति। अपि च विद्युत्वाहनानां कृते विद्युत्पूरकनिर्माणे चार्जिङ् अवसंरचनायां च विशेषबलदानेन नवाः रोजगारावसराः सृज्यन्ते।

मुख्यवक्ता सीए कपिलवैश्यः अवदत् यत् जीएसटी प्रणालीं सरलां पारदर्शिनीं व्यापारानुकूलां च कर्तुं महत्त्वपूर्णानि कदमाः गृहीताः सन्ति। सरलरिटर्न् द्रुतरिफण्ड् सुदृढविवादनिवारणव्यवस्था च व्यापारीणां कृते विशेषरूपेण लाभप्रदा भविष्यन्ति। अपरत्र सीए रविन्द्रअग्रवालः अवदत् यत् मैट् करः समाप्तः कृत्वा चतुर्दशप्रतिशतात्मककरव्यवस्था प्रवर्तिता अस्ति। टीडीएस् टीसीएस् दराणां न्यूनतया आयकरप्रावधानपरिवर्तनेन च व्यापारसुलभता वर्धिता भविष्यति।

विशिष्टअतिथिः एसबीआई संस्थायाः मञ्जीतसिंहः एमएसएमई क्षेत्रं देशस्य अर्थव्यवस्थायाः मेरुदण्डम् इति निर्दिशन् आर्थिकसर्वेक्षणं जीविकासृजनकरम् इति अवदत्। कार्यक्रमस्य अन्ते अतिथयः स्मृतिचिह्नैः सम्मानिताः।

हिन्दुस्थान समाचार