-सहायता राशिना सीवनसंयंत्रं क्रयणं भगवती रात्रे अवर्तत आत्मनिर्भरा

-प्रतिमासं 5 सहस्ररुप्यकाणां आयतः परिवारं प्राप्नोत् नूतनं संबलम्

रायपुरम्, 3 फरवरीमासः (हि.स.)।

महतारी-वन्दन-योजना छत्तीसगढ़-राज्यस्य नारीणां जीवने आशायाः, सम्मानस्य आत्मनिर्भरत्वस्य च नवप्रकाशं आनयति। अस्याः योजनायाः सफलतायाः प्रेरणादायकं उदाहरणं सारंगढ़-जनपदस्य बरमकेला-विकासखण्डस्य सण्डा-ग्रामपञ्चायतनिवासिनी भगवतीरात्रे अस्ति, या कठिन-परिस्थितिषु अपि साहसेन, विवेकेन परिश्रमेण च स्वपरिवारस्य संरक्षणाय दृढसंकल्पं कृतवती।

भगवतीरात्रे-परिवारे सा स्वयम्, तस्याः पतिः, त्रिवर्षीया लघु-कन्या च सन्ति। विवाहानन्तरं पारिवारिक-परिस्थितीनां कारणात् तस्या ससुरालयात् पृथक् निवासः अभवत्। परिवारस्य समग्रं दायित्वं तस्याः पतौ आसीत्, यः श्रमकार्यं कृत्वा कथञ्चित् गृहव्ययं निर्वहति स्म। दुर्भाग्यवशात् एकस्मिन् गम्भीर-दुर्घटनायां तस्याः पतिः कार्यकरणे असमर्थः अभवत्। तदनन्तरं चिकित्सोपचारः, गृहस्य नित्यव्ययः, निर्दोषायाः बालिकायाः आवश्यकताश्च परिवारं गम्भीर-आर्थिक-संकटे निमग्नं कृतवन्ति।

एतादृशे विषमकाले महतारी-वन्दन-योजना भगवतीरात्रे-जीवने आधाररूपेण प्रकटिता। योजनान्तर्गतं प्रतिमासं प्राप्तां सहस्र-रूप्यकाणां (१०००) सहाय्य-राशिं सा केवलं व्यये न प्रयुक्तवती, अपि तु नियमित-बचतस्य आरम्भं कृतवती। अस्याः एव बचतायाः आत्मविश्वासस्य च बलात् सा षट्सहस्र-रूप्यकाणां मूल्ये सिलाई-यन्त्रं क्रयित्वा स्वरोजगारस्य मार्गे अग्रसरा अभवत्।

अद्य भगवतीरात्रे सीवन-कार्येण प्रतिमासं प्रायः पञ्चसहस्र-रूप्यकाणां आयं प्राप्नोति। एतया आयया सा स्वपरिवारस्य पालनं, पत्युः चिकित्सायां साहाय्यं, कन्यायाः अध्ययनं गृहस्य च आवश्यकतानि सम्मानपूर्वकं पूरयितुं समर्था अस्ति। महतारी-वन्दन-योजनया तस्या केवलं आर्थिक-सहायता न प्रदत्ता, अपि तु आत्मविश्वासः, स्वावलम्बनं सामाजिक-गौरवं च प्रदत्तम्। अद्य सा स्वपादयोः दृढतया स्थिता अस्ति तथा च अन्यानां नारीणां कृते प्रेरणास्रोतः अभवत्।

भगवतीरात्रे स्वजीवने जातस्य अस्य सकारात्मक-परिवर्तनस्य कृते मुख्यमन्त्री विष्णुदेवसायं महिला-शिशु-विकास-मन्त्री लक्ष्मी-राजवाड़े च प्रति कृतज्ञतां प्रकटयित्वा अवदत् यत् महतारी-वन्दन-योजनया तां आत्मनिर्भरां कृत्वा सम्मानपूर्वकं जीवनं यापयितुम् अवसरः प्रदत्तः।

---------------

हिन्दुस्थान समाचार