Enter your Email Address to subscribe to our newsletters
भोपालनगरम्, ०३ फेब्रुवरीमासः (हि.स.)। राजस्थान–राज्ये अग्रिम–स्थानीय–निकाय–निर्वाचनानां सुचारुं, निष्पक्षं तथा पारदर्शकं सञ्चालनं सुनिश्चितं कर्तुं राज्य–निर्वाचन–आयोगेन मध्यप्रदेश–राज्य–निर्वाचन–आयोगेन च मंगलवासरे जयपुर–नगरे सचिवालय–स्थिते राज्य–निर्वाचन–आयोग–कार्यालये अतिरिक्त–सन्धि–ज्ञापने (एडिशनल–एम.ओ.यू.) हस्ताक्षराणि कृतानि।
मध्यप्रदेश–राज्य–निर्वाचन–आयोगस्य आयुक्तः मनोज–श्रीवास्तवः अद्य अवदत् यत् एषः एम.ओ.यू. मध्यप्रदेश–राज्य–निर्वाचन–आयोगस्य राजस्थान–राज्य–निर्वाचन–आयोगस्य च मध्ये पूर्वं कृतस्य ईवीएम्–उपलब्धता–उपयोग–सम्बद्धस्य सन्धि–ज्ञापनस्य विस्तारः अस्ति। अस्य अतिरिक्त–एम.ओ.यू.–अन्तर्गतं मध्यप्रदेश–राज्य–निर्वाचन–आयोगेन राजस्थान–राज्य–निर्वाचन–आयोगाय स्थानीय–निकाय–निर्वाचनार्थम् आहत्य ३० सहस्रं नियन्त्रण–एककानि (कंट्रोल यूनिट) तथा ६० सहस्रं मतदान–एककानि (बैलेट यूनिट) भाटकेन उपलब्धानि करिष्यन्ते। एतानि ईवीएम–यन्त्राणि राजस्थान–राज्ये नगरीय–निकाय–तथा पञ्चायती–राज–संस्थाः निर्वाचनप्रक्रियायाम् उपयुज्यन्ते। ईवीएम–आपूर्ति:, उपयोग:, अनुरक्षणं, सुरक्षा तथा प्रत्यावर्तन–सम्बद्धाः सर्वाः शर्ताः भारत–निर्वाचन–आयोगस्य निर्देशानुसारं सुनिश्चिताः भविष्यन्ति।
राजस्थान–राज्य–निर्वाचन–आयोगस्य आयुक्तः राजेश्वर–सिंहः मध्यप्रदेश–राज्य–निर्वाचन–आयोगेन प्रदत्तस्य सहयोगस्य कृते कृतज्ञतां व्यक्तवान्। सः अवदत् यत् एषः पारस्परिकः समन्वयः सहयोगश्च संघीय–संरचनायाः भावनां दृढीकुर्यात् तथा निर्वाचन–प्रक्रियाम् अधिकं सुदृढां करिष्यति। निर्वाचनावसरे ईवीएम–यन्त्राणां सुरक्षा, परिवहन, भण्डारणं तथा सञ्चालनं सम्बन्धित–प्रोटोकॉल–अनुसारं सुनिश्चितं भविष्यति। ईवीएम–यन्त्राणां प्रौद्योगिकी–परीक्षणं (एफ.एल.सी.), आवश्यकं प्रौद्योगिकी–सहयोग–कार्यं भारत–इलेक्ट्रॉनिक्स–लिमिटेड् (ईसीआईएल), हैदराबाद–स्थितस्य अधिकृत–अभियन्तृभिः निष्पाद्यते।तस्मिन् अतिरिक्त–एम.ओ.यू.–मध्ये ईवीएम्–परिवहनस्य, लोडिंग–अनलोडिंग–कार्यस्य, सुरक्षा–व्यवस्थायाः तथा तकनीकी–कर्मचारिणां यात्रायाः व्यय–व्यवस्था अपि निर्धारित–नियमानुसारं विन्यस्ता अस्ति। निर्वाचन–समाप्तेः अनन्तरं ईवीएम्–यन्त्राणां प्रत्यावर्तनं, परीक्षणं तथा क्षति–स्थितौ प्रतिपूर्तेः प्रक्रिया अपि स्पष्टतया निर्धारिता अस्ति।
उक्तं यत् मध्यप्रदेश–राज्य–निर्वाचन–आयोगेन राजस्थान–राज्य–निर्वाचन–आयोगाय ३० सहस्रं नियन्त्रण–एककानि तथा ६० सहस्रं मतदान–एककानि चतुर्मास–कालावधये भाटकेन प्रदास्यन्ते। अस्य कृते राजस्थान–राज्य–निर्वाचन–आयोगेन मध्यप्रदेश–राज्य–निर्वाचन–आयोगाय प्रायः त्रयः कोटिरूप्यकाणि प्रदास्यन्ते। पूर्वमपि मध्यप्रदेश–राज्य–निर्वाचन–आयोगेन छत्तीसगढ–जम्मू–काश्मीर–सिक्किम–महाराष्ट्र–राज्येभ्यः भाडेण ईवीएम–यन्त्राणि प्रदत्तानि सन्ति।
अस्मिन् समागमे मध्यप्रदेश–राज्य–निर्वाचन–आयोगस्य सचिवः दीपक–सिंहः, राजस्थान–राज्य–निर्वाचन–आयोगस्य सचिवः राजेश–वर्मणा सह अन्ये सम्बन्धित–अधिकारिणः उपस्थिताः आसन्।
हिन्दुस्थान समाचार / अंशु गुप्ता