Enter your Email Address to subscribe to our newsletters
जयपुरम्, 04 फ़रवरीमासः (हि.स.)।
राजस्थान विश्वविद्यालये “भारत बोध आपणी माटी आपणो खेल” इति विषये भव्यं उत्साहपूर्णं मनोरञ्जकं च कार्यक्रमस्य आयोजनं सम्पन्नम्। अस्मिन् अवसरे भारतीयपरम्परागतक्रीडाभिः माध्यमेन संस्कृतेः राष्ट्रबोधस्य सामाजिकचेतनायाश्च सुदृढीकरणस्य सशक्तः संदेशः प्रदत्तः।
कार्यक्रमस्य मुख्यातिथिः क्रीडा सचिवः नीरज के पवन स्वसम्बोधने परम्परागतक्रीडाः भारतीयसंस्कृतेः राष्ट्रबोधस्य च आत्मा इति निरूप्य तेषां संरक्षणं संवर्धनं व्यापकप्रसारं च विशेषतया आवश्यकम् इति बलपूर्वकम् अवदत्। तेन उक्तं यत् एतादृशाः क्रीडाः न केवलं शारीरिकविकासं कुर्वन्ति अपि तु सामूहिकतां अनुशासनं राष्ट्रीयचेतनां च सुदृढयन्ति।
क्रीडा मण्डलस्य सचिवा डॉ प्रतिभा सिंह रतनू कार्यक्रमस्य रूपरेखां उद्देश्यांश्च प्रकाशयन्ती अवदत् यत् अस्य आयोजनस्य लक्ष्यं युवान् स्वमाट्या परम्परया क्रीडासंस्कृत्या च संयोजयितुम् अस्ति। विशिष्टातिथिः क्रीडा भारती संस्थायाः क्षेत्रीय सहसंयोजकः दुर्ग सिंह राजपुरोहित अपि परम्परागतक्रीडासु भारतबोधविषये प्रेरणादायीन् विचारान् व्यक्तवान्। सः अवदत् यत् भारतीयक्रीडापरम्परा राष्ट्रनिर्माणप्रक्रियया सह गाढतया सम्बद्धा अस्ति।
क्रीडाप्रतियोगितासु पुरुषवर्गे सितोलिया इत्यस्य अष्ट दलानि कबड्डी इत्यस्य अष्ट दलानि रस्साकर्षणस्य षट् दलानि च उत्साहेन सहभागीभूतानि। महिला वर्गे अपि सितोलिया अष्ट दलानि कबड्डी पञ्च दलानि रस्साकर्षणस्य षट् दलानि च सक्रियतया सहभागीभूतानि येन परम्परागतक्रीडासु महिलानां सशक्तः प्रभावी च योगदानः प्रकाशिता।
कार्यक्रमस्य अन्तर्गते आयोजिते परिचर्चा सत्रे समग्रतः द्विशत् सप्तपञ्चाशत् प्रतिभागिनां उल्लेखनीया उपस्थितिः अभवत्।
---------------
हिन्दुस्थान समाचार