Enter your Email Address to subscribe to our newsletters
खण्डवानगरम्, ०५ फेब्रुवरीमासः (हि.स.)। मध्यप्रदेशस्य खण्डवा–जनपदे अद्य गुरुवासरे प्रातः ११ वादनात् अपराह्णे ३ वादनपर्यन्तं शासकीय–आईटीआई–संस्थायाम् रोजगार–स्वरोजगार–तथा अप्रेन्टिसशिप–रोजगार–मेलापकस्य आयोजनं क्रियते। अस्मिन् रोजगार–मेलापके प्रदेशस्य विविध-निर्माणीभ्य: प्रौद्योगिकी–तथा गैर–प्रौद्योगिकी–क्षेत्रेषु प्रायः २००बेरोजगार–युवान: युवत्यश्च निजी–क्षेत्रे नियुक्तिं करिष्यन्ति।
जनपद–रोजगार–अधिकारी लक्ष्मण–सिंह–सिलौटे अवदत् यत् येषां अभ्यर्थिनां शैक्षणिक–योग्यता पंचमी, अष्टमी, दशमी, द्वादशी, आईटीआई, डिप्लोमा, स्नातकं अथवा स्नातकोत्तरं अस्ति, तथा येषां आयु–सीमा १८ वर्षात् ३५ वर्षपर्यन्तं वर्तते, तेषु चयनितेभ्यः युवभ्यः सम्बद्ध–निर्माण्य: ८ सहस्र–रूप्यकात् २५ सहस्र–रूप्यकपर्यन्तं मानदेयं प्रदास्यन्ति। चयनिताभ्यर्थिभ्यः अन्याः सुविधाः अपि संस्था–नियमैः अनुसारं प्रदीयन्ते।
इच्छुकाः आवेदकाः स्वस्य सर्वेषां मूल–प्रमाणपत्राणां छायाप्रतिलिपि:, पासपोर्ट्–आकारस्य चत्वारि छायाचित्राणि, आधार–पत्रम्, रोजगार–कार्यालयस्य जीवित–पञ्जीकरण–पत्रम् इत्येतै: सह उपस्थित्वा रोजगार–मेलापकस्य लाभं ग्रहीतुं शक्नुवन्ति। अस्य हेतु मार्ग–व्ययः देयः न भविष्यति।
हिन्दुस्थान समाचार / अंशु गुप्ता