Enter your Email Address to subscribe to our newsletters
आसनसोलनगरम्, ०५ फरवरीमासः (हि.स.)। सेफी (Steel Executives’ Federation of India) इत्यस्य अध्यक्षस्य एन.के.बंछोर: इत्यस्य नेतृत्वे प्रतिनिधिमण्डलेन बुधवासरस्य अपराह्णे संयन्त्रस्य निरीक्षण–भ्रमणं कृतम्। ततः बुधवासरे रात्रौ विलम्बेन सेल–इत्यस्य इस्को–स्टील–प्लाण्टे (आइएसपी), बर्नपुरे महत्त्वपूर्णा सभाऽभवत्। अस्यां सभायाम् अधिकारिभिः सह प्रतिनिधिभिश्च कल्याण–विषयेषु, पदोन्नतौ, वेतन–विन्यासे, आवास–व्यवस्थायां तथा आधारभूत–सुविधासु सम्बन्धिषु महत्त्वपूर्णेषु विषयेषु विस्तृतं विचार–विमर्शः कृतः।
प्राप्त–सूचनानुसारं सेफी–प्रतिनिधिमण्डलेन दुर्गापुर–स्टील–प्लाण्टस्य तथा इस्को–स्टील–प्लाण्ट–बर्नपुरस्य निर्देशक–प्रमुख: सुरजीत–मिश्रेण सह साक्षात्कारवार्ता कृता। अस्मिन् अवसरे एव सर्वे प्रतिनिधयः तथा कर्मचारिभ्यः आवाहनं कृतवान् यत् स: एकतया सहकार्यं कृत्वा आइएसपी–इत्यस्य नूतन–विस्तार–परियोजनानां समये, सुरक्षिततया तथा कुशलतया च पूर्णतायां योगदानं कुर्वन्तु, येन संघटनस्य राष्ट्र–निर्माणे च दृढं योगदानं भवेत्। अयं भ्रमण–कार्यक्रमः सेफी, प्रबन्धनं तथा अधिकारिणां मध्ये एकता, कल्याणं प्रगतिः च इति सशक्तं सन्देशं दत्त्वा समाप्तः।
अस्यां सभायां नरेन्द्र–कुमार–बंछोर: (अध्यक्षः, सेफी), संजय–कुमार–आर्यः (महासचिवः), नरेन्द्र–कुमार–सिंहः (उपाध्यक्षः), अजय–कुमार–पाण्डेयः (उपाध्यक्षः) च उपस्थिताः आसन्।तथा च इस्को–ऑफिसर–एसोसिएशन (आइओए) तः सुशील–कुमार–सुमनः (अध्यक्षः), निशिकान्त–चौधरी (महासचिवः), देबप्रिय–दासः (उपाध्यक्षः), मुकेश–कुमारः (उप–महासचिवः), राजेन्द्र–कुमार–नायकः (उप–कोषाध्यक्षः) च सभायाम् उपस्थिताः आसन्।
हिन्दुस्थान समाचार / अंशु गुप्ता