Enter your Email Address to subscribe to our newsletters
परीक्षायाः क्षणेषु उत्तमं मार्गदर्शनं विद्यार्थिषु ऊर्जां पूरयति
लखनऊ, 06 फरवरीमासः(हि.स.)। उत्तरप्रदेशस्य मुख्यमंत्री योगी आदित्यनाथ अद्य ‘परीक्षा पे चर्चा’ इत्यस्य माध्यमेन विद्यार्थिभिः सह संवादं कर्तुं प्रधानमन्त्रिणे नरेन्द्र मोदिने आभारं व्यक्तीकृतवान् तथा विद्यार्थिनां उज्ज्वलभविष्याय सफलतायै च शुभकामनाः प्रदत्तवान्।
मुख्यमंत्री स्वस्य सामाजिकमाध्यमलेखायां लिखितवान् यत् परीक्षा आत्मविश्वासस्य अनुशासनस्य धैर्यस्य च उत्कृष्टता भवति। एतादृशेषु क्षणेषु सम्यक् मार्गदर्शनं विद्यार्थिनां मनसः भयम् अपाकरोति तथा तेषु विश्वासं ऊर्जां च पूरयति। ‘परीक्षा पे चर्चा’ इत्यस्य एषा पहलः कोटिशः विद्यार्थिनां हृदयेषु नूतनदिशां नूतनऊर्जां नूतनविश्वासं च सञ्चारयिष्यति।
प्रधानमन्त्री ‘परीक्षा पे चर्चा’ कार्यक्रमे विद्यार्थिभ्यः एषं सन्देशं दत्तवान् यत् तनावं मा स्वीकरोतु, संतुलनं स्वीकरोतु। प्रतिस्पर्धां मा चिन्तयत, आत्मविकासे ध्यानं ददत। परिणामे न, अपितु निरन्तरप्रयासे विश्वासं कुरुत। तस्य वचनेषु सकारात्मकदृष्टिः लक्ष्यस्य स्पष्टता प्रत्येकचुनौत्याः हास्येन सामना कर्तुं प्रेरणा च निहिता अस्ति।
योगी आदित्यनाथ लिखितवान् यत् अयं संवादः केवलं परीक्षाकक्षपर्यन्तं सीमितः न, अपितु जीवनस्य सर्वासु परीक्षासु स्थिरतां धारयितुं आत्मविश्वासेन अग्रे गन्तुं स्वसामर्थ्ये विश्वासं धारयितुं च सन्देशं ददाति।।-----------
हिन्दुस्थान समाचार