पूर्वी सिंहभूमः, 06 फ़रवरीमासः (हि.स.)।

होलीपर्वणि यात्रिकाणां अत्यधिकभीडां दृष्ट्वा दक्षिणपूर्वरेलवे संस्थया टाटानगर स्थानकं विशेषप्राथमिकतां दत्त्वा अनेकानां होली विशेषयानानां संचालनस्य निर्णयः कृतः। अस्य विषये रेलप्रशासनेन शुक्रवासरे आधिकारिक अधिसूचना प्रकाशिताऽस्ति। प्रतिवर्षं होली इव महोत्सवेषु बहवः जनाः स्वगृहनगरं बान्धवमित्राणि च मिलितुं रेलयात्रां कुर्वन्ति। एतस्य वर्धमानमागमं दृष्ट्वा भारतीयरेलसंस्था व्यापकतया सिद्धतां कृतवती।

रेलप्रशासनस्य अनुसारं होलीपर्वणि यात्रिकसुविधार्थं देशव्यापि कुल 1410 विशेषयानयात्राः संचालिताः भविष्यन्ति। आवश्यकता सति व्यस्तकालखण्डे अतिरिक्तयानानाम् अपि संचालनं कर्तुं शक्यते। एतेषां यानानां लक्ष्यं यात्रिकेभ्यः सुरक्षितं सुगमं सुखदं च यात्रासुविधां प्रदातुम् अस्ति।

दक्षिणपूर्वरेलवे संस्थया उक्तं यत् झारखण्डराज्यस्य प्रमुखस्थानकं टाटानगर अस्मिन् वर्षे होली विशेषयानानां मुख्यकेन्द्रं भविष्यति। टाटानगरात् बिहार तथा उत्तरप्रदेशस्य प्रमुखनगराणां प्रति प्रत्यक्षसम्पर्कव्यवस्था सुनिश्चितीक्रियते। अधिसूचनानुसारं टाटानगरात् कटिहारनगरं तथा टाटानगरात् बक्सरनगरं प्रति होली विशेषयानानि संचालितानि भविष्यन्ति, येन उत्तरबिहार पूर्वोत्तरप्रदेशगामिनां यात्रिकाणां कृते महान् लाभः भविष्यति।

अतिरिक्ततया अन्येषु प्रमुखस्थानकेषु अपि होली विशेषयानानां व्यवस्था कृता। संतरागाछी स्थानकात् एम जी आर चेन्नई तिरुवनन्तपुरम् चारलापल्ली दरभङ्गा च प्रति विशेषयानानि संचालितानि भविष्यन्ति। शालीमार स्थानकात् वडोदरा विशाखापत्तनम् च प्रति विशेषयानानि भविष्यन्ति। झारखण्डराज्यस्य राजधानी राँची स्थानकात् गोरखपुर अजमेर जयनगर च प्रति अतिरिक्तयानानि उपलब्धानि भविष्यन्ति, येन विभिन्नदिशासु गच्छतां यात्रिकाणां सुविधा सुलभा भविष्यति।

रेलप्रशासनं यात्रिकान् प्रति अनुरोधं कृतवान् यत् यात्रायाः पूर्वं यानसमयसारिणी आरक्षणस्थितिः अन्यावश्यकी सूचना च अवश्यं परीक्षेताम्। एतेन व्यस्तपर्वकाले कस्यापि असुविधायाः निवारणं भविष्यति तथा यात्रिकाणां यात्रा सुरक्षितासुखदा च भविष्यति।

---------------

हिन्दुस्थान समाचार