Enter your Email Address to subscribe to our newsletters
अररिया 07 फरवरीमासः(हि.स.)।
फारबिसगंजनगरस्य एसके रोड मार्गे स्थिते रामप्रकाशप्रसादस्य निवासे आयोजितायाः अष्टदिवसीयायाः श्रीमद्भागवतकथायाः सप्तमे दिने शनिवासरे कथास्थलं भक्त्या श्रद्धया आध्यात्मिकचेतनया च परिपूर्णम् आसीत्।
कथावाचकः आचार्यश्री नारायण शर्मा भगवान् श्रीकृष्णस्य दिव्यचरित्राणां भावपूर्णं वर्णनं कृत्वा श्रोतॄन् भक्तिसागरे निमग्नान् अकरोत्। सप्तमे दिने भगवतः श्रीकृष्णस्य बहूनि विवाहप्रसङ्गाः, सुदामाचारित्रम्, भागवतधर्मस्य कीर्तनम्, चतुर्विंशतिगुरूणां तत्त्वविवेचनम्, राजा परीक्षितस्य सफलश्रवणम्, भागवतपूजनम् तथा व्यासपूजनस्य प्रसङ्गः च कथितः। सुदामाचारित्रे मित्रता, त्यागः, निष्कामभक्तिः च एतादृशं मार्मिकरूपेण निरूपितं यत् श्रद्धालूनां नेत्रे अश्रुभिः पूर्णे अभवताम्।
आचार्यश्री नारायण शर्मा स्वप्रवचने उक्तवान् यत् भागवतधर्मः जीवनाय सम्यग्दिशां ददाति, मनुष्यं च अहंकारात् विमुक्तं कृत्वा प्रभोः चरणयोः समर्पणभावं शिक्षयति। चतुर्विंशतिगुरूणां प्रसङ्गेन सः दर्शितवान् यत् प्रकृतेः जीवनस्य च प्रत्येकस्मात् अनुभवाद् मनुष्यः शिक्षां प्राप्नोति।
कथाकाले भजनकीर्तनाभ्यां सम्पूर्णं वातावरणं भक्तिमयं जातम्। बहुसंख्यकाः स्त्रीपुरुषाः श्रद्धालवः च उपस्थिताः आसन्।
हिन्दुस्थान समाचार