बांदा, 07 फ़रवरीमासः (हि.स.)।

उत्तरप्रदेशस्य बांदानामके जनपदे स्थिते कृषिप्रौद्योगिकीविश्वविद्यालये षड्विंशतितः अष्टाविंशतितमं फरवरीमासपर्यन्तं 2026 वर्षे त्रिदिवसीयः “उत्तरक्षेत्रीयकृषकमेला (आरएएफ 2026)” इत्यस्य आयोजनं भविष्यति। अयं मेला भारतसरकारस्य कृषिकृषककल्याणमन्त्रालयेन प्रायोजितः अस्ति। अस्य उद्घाटनं प्रदेशस्य कृषिकृषिशिक्षाअनुसन्धानमन्त्री सूर्यप्रताप शाही अन्यैः माननीयजनप्रतिनिधिभिः देशस्य प्रख्यातकृषिवैज्ञानिकैः च सह करिष्यति।

एषा सूचना विश्वविद्यालयस्य कुलपतिना प्रोफेसर एस वी एस राजू इत्यनेन शनिवासरे दत्ता। सः अवदत् यत् पूर्वं अयं मेला द्वादशतिथेः चतुर्दशतिथेः फरवरीमासे 2026 वर्षे प्रस्तावितः आसीत्, किन्तु देशे प्रचलमानस्य संसत्सत्रस्य उत्तरप्रदेशविधानसभासत्रस्य च कारणेन तिथिपरिवर्तनं कृत्वा अधुना षड्विंशतितः अष्टाविंशतितमं फरवरीपर्यन्तं आयोज्यते। मेलापकस्य सर्वाणि प्रस्तावितकार्यक्रमाणि पूर्वनिर्धारितयोजनानुसारमेव भविष्यन्ति इति सः स्पष्टतया उक्तवान्। कुलपतिः बुन्देलखण्डप्रदेशस्य सर्वान् कृषकान् सामान्यजनान् च अधिकसंख्यया मेलायां सहभागितां कर्तुं आवाहनं कृतवान्।

प्रोफेसर राजू उक्तवान् यत् अस्मिन् मेले उत्तरभारतीयेषु सप्तसु राज्येषु जम्मूकश्मीर, हिमाचलप्रदेश, पंजाब, हरियाणा, दिल्ली, उत्तराखण्ड, उत्तरप्रदेश इत्यादिभ्यः प्रायः दशसहस्रात् पञ्चदशसहस्रपर्यन्तं कृषकाः आगन्तुं सम्भाव्यन्ते।

विश्वविद्यालयस्य प्रसारणनिदेशकः प्रोफेसर एन के बाजपेयी अवदत् यत् अयं मेला कृषकाणां कृषि उद्यमिनां अन्येषां हितधारकाणां च कृते नवीनतमकृषितन्त्रज्ञानानां ज्ञापनसाझाकरणयोः एकं मञ्चं प्रदास्यति। अत्र उन्नतबीजानि, खादानि, कृषिरसायनानि, कृषियन्त्राणि, मूल्यसंवर्धितोत्पादाः, पशुचारा अन्योपयोगिकृषिसामग्री च विक्रयार्थं उपलब्धा भविष्यन्ति। तथैव मिलेट्सनिर्मितपदार्थाः, विविधभोज्यवस्तूनि, विश्वविद्यालयस्य छात्रैः छात्राभिश्च निर्मितानि सजीवप्रतिमानानि अपि प्रदर्शितानि भविष्यन्ति।

मेले भारतीयकृषिअनुसन्धानपरिषदः विविधैः राष्ट्रीयअन्तरराष्ट्रीयमहत्त्वयुक्तैः अनुसन्धानसंस्थाभिः विकसिताः नूतनप्रौद्योगिक्यः अपि प्रदर्शिताः भविष्यन्ति। एतदतिरिक्तं अशासकीयसंस्थाः, कृषि निवेशकाः, उत्पादकाः, विक्रेतारः, विविधशासकीयविभागाः च स्वस्वप्रदर्शनस्थानानि स्थापयिष्यन्ति।

बांदानगरस्य संयुक्तकृषिनिदेशकः डॉ एल बी एस यादव क्षेत्रे कार्यरतान् सर्वान् आदाननिर्मातारः विक्रेतारः च स्वस्वस्टॉलस्थापनाय निर्देशितवान्। विश्वविद्यालयस्य जनसम्पर्काधिकारी डॉ धीरज मिश्रा अवदत् यत् मेलाक्षेत्रस्य व्यवस्थाः शीघ्रगत्या क्रियमाणाः सन्ति तथा कृषि व्यवसायेन सम्बद्धान् सर्वान् हितधारकान् स्टॉलस्थापनार्थं आमन्त्रितवन्तः।

---------------

हिन्दुस्थान समाचार