Enter your Email Address to subscribe to our newsletters
मार्गेषु, सीवरपंक्तिषु री-कार्पेटिंग कार्येभ्यः सहस्रं नागरिकाः भविष्यति लाभान्विताः
गुरुग्रामः, 08 फ़रवरीमासः (हि.स.)।
नगरनिगमगुरुग्रामेण नगरस्य विभिन्नेषु वार्डकेंद्रेषु त्रयाणां महत्त्वपूर्णानां विकासकार्याणां शुभारम्भः कृतः। रविवासरे स्थानीय लोकनिर्माणविभागस्य विश्रामगृहे आयोजिते कार्यक्रमे केन्द्रीयराज्यमन्त्री राव इन्द्रजीतसिंहः कार्याणां उद्घाटनं कृतवान्।
राव इन्द्रजीतसिंहः अधिकारिणः निर्माणसंस्थाः च निर्दिष्टसमयसीमायां गुणवत्तया सह कार्यं सम्पन्नं कर्तुं निर्देशितवान्। सः अवदत् यत् गुरुग्रामनगरं शीघ्रं विकसितं भवति, अतः विकासकार्येषु विलम्बः न भवेत् तथा नियमितपर्यवेक्षणं सुनिश्चितं क्रियताम्।
वार्डसंख्या २१ अन्तर्गतस्य सेक्टर–५२ इति क्षेत्रे पॉकेट् ए तथा बी मध्ये ३५३५ मीटर दीर्घायाः नूतनायाः बीएम तथा बीसी मार्गस्य निर्माणकार्यं प्रारब्धम्। अस्मिन् मार्गे ५० मिमी स्थूलतायाः बिटुमिनस् मॅकडम् परतः तथा ३० मिमी स्थूलतायाः बिटुमिनस् कंक्रीट् परतः बिछायिष्येते। अस्याः परियोजनायाः व्ययः १८९.९४ लक्षरूप्यकाणि भविष्यति। दशमासेषु कार्यं पूर्णं कर्तुं लक्ष्यं निर्धारितम् अस्ति। अनेन सेक्टर–५२ निवासीजनानां कृते उत्तमः मार्गजालः उपलब्धः भविष्यति, येन वाहनानां पादचारिणां च गमनागमनं सुलभं सुरक्षितं च भविष्यति।
वजीराबादक्षेत्रे वजीराबादमार्केटतः झीलचौकपर्यन्तं ४०० मिमी व्यासस्य ५५० मीटर दीर्घायाः सीवरनलिकायाः संस्थापनं तथा १०५० मीटर दीर्घायाः एम–४० श्रेण्याः आरएमसी मार्गस्य निर्माणकार्यस्य अपि शुभारम्भः केन्द्रीयराज्यमन्त्रिणा कृतः। अस्य कार्यस्य व्ययः प्रायः २६४.८३ लक्षरूप्यकाणि अस्ति तथा त्रयोदशमासेषु पूर्णतां गमिष्यति।
एतदतिरिक्तं सेक्टर–१७ ए क्षेत्रे २३२० मीटर दीर्घायाः मार्गस्य डीबीएम तथा बीसी परताभ्यां पुनरावरणं करिष्यते। १३५० मीटर परिमाणे अन्तर्ग्रथितटाइलाः अपि स्थापयिष्यन्ते। अस्य परियोजनायाः व्ययः १०८.९१ लक्षरूप्यकाणि अस्ति।
अस्मिन् अवसरे नगरनिगमगुरुग्रामस्य महापौरः राजरानी मल्होत्रा, निगमायुक्तः प्रदीप दहिया, मानेसर निगमायुक्तः प्रदीप सिंह, अतिरिक्तनिगमायुक्तः रविन्द्र यादव, अन्ये पार्षदाः, अधिकारिणः तथा गण्यमाननागरिकाः उपस्थिताः आसन्।
हिन्दुस्थान समाचार