लखनऊनगरम्, ०८ फेब्रुवरीमासः (हि.स.)। राष्ट्रीय–स्वयंसेवक–संघस्य शताब्दी–पूर्त्यवसरे उत्तरप्रदेशस्य राजधान्यां लखनऊ–नगरे ०९ फेब्रुवरीमासे सायंकाले भागीदारी–भवनस्य प्रेक्षागृहे सङ्गीत–साधकानां गोष्ठी आयोजिता भविष्यति। अस्मिन् अवसरे शास्त्रीय–सङ्गीतस्य पाश्चात्य–सङ्गीतस्य च सहितं सङ्गीतस्य विविध–स्वरूपाणां समागमः भविष्यति। गोष्ठ्यां कलाकाराः स्वकीयं गायन–वादन–कौशलं प्रदर्शयिष्यन्ति।

एतां सूचनां राष्ट्रीय–स्वयंसेवक–संघस्य विभाग–शारीरिक–शिक्षण–प्रमुखः अतुल–सिंहः दत्तवान्। सः अवदत् यत् अस्यां गोष्ठ्यां भजन–कीर्तन–मण्डल्यः, जागरण–दलानि, ब्रास–वाद्यदलम्, मार्चिङ्ग–वाद्यदलम्, विद्यालय–वाद्यदलम् तथा संघस्य घोष–वादनं कुर्वन्तः कार्यकर्तारः आमन्त्रिताः सन्ति। सर्वेषां पञ्जीकरणं क्रियते।

अतुल–सिंहः अपि अवदत् यत् सङ्गीत–साधकानां अस्यां गोष्ठ्यां राष्ट्रीय–स्वयंसेवक–संघस्य अखिल–भारतीय–शारीरिक–शिक्षण–प्रमुखः जगदीश–प्रसादः उपस्थितः भविष्यति।

हिन्दुस्थान समाचार / अंशु गुप्ता