पश्चिम मेदिनीपुरम्, 08 फरवरीमासः (हि.स.)।

आगामिनी विधानसभा निर्वाचनस्य औपचारिक घोषणातः पूर्वमेव पश्चिम मेदिनीपुर जनपदस्य घाटाल विधानसभा क्षेत्रे भारतीय जनता पार्टी इत्यस्याः दलस्य नैर्वाचनिकघोषध्वनिः प्रारब्धः अस्ति। शनिवासरे घाटाल खण्डस्य विशालाक्षी मोड़ प्रदेशे भाजपायाः विधायकः शीतल कपाट स्वहस्तेन भित्तिलेखनं कृत्वा निर्वाचन प्रचारस्य आरम्भं कृतवान्।

विधायकः अवदत् यत् यदा दलं निर्वाचन युद्धस्य घोषणां करोति तदा सः सैनिक इव तत्र सहभागी भवति। तस्य मते 2026 वर्षस्य एतत् विधानसभा निर्वाचनम् अस्तित्व रक्षणस्य संघर्षः अस्ति, अतः अधुना एव सज्जता आरब्धा अस्ति।

घाटाल अनुमण्डले त्रयः विधानसभा आसन्दाः सन्ति घाटाल दासपुर चन्द्रकोणा च। 2021 वर्षस्य विधानसभा निर्वाचनकाले दासपुर चन्द्रकोणा च क्षेत्रयोः तृणमूल कांग्रेस दलः विजयं प्राप्तवान्, किन्तु घाटाल आसन्दः भाजपायाः भागे गतः। एतस्मात् कारणात् अस्मिन् वारे घाटाल आसन्दः उभयपक्षयोः कृते प्रतिष्ठायाः विषयः अभवत्।

अस्यां मध्ये भाजपायाः एतस्मिन् शीघ्र प्रयत्नेषु विपक्षदलैः तीक्ष्ण उपहासः अपि कृतः। रविवासरे प्रातःकाले तृणमूल कांग्रेस दलस्य घाटाल खण्डाध्यक्षः दिलीप मांझी एतत् नाटकं इति उक्त्वा अवदत् यत् विधायकः भयवशात् पुनः नामनिर्देशनस्य दावेदारीं दृढीकर्तुम् इच्छति। तेन अपि उक्तं यत् जनता अधुना भाजपां प्रति न पश्यति। अपरतः माकपा दलस्य नेता चिन्मय पाल अपि व्यङ्ग्येन उक्तवान् यत् विधायकः केवलं स्वस्य व्यक्तिगत दायित्वतां सुनिश्चितां कर्तुम् एव भित्तिलेखनं करोति।

निर्वाचनस्य सज्जतायाः मध्ये रोचका वार्ता अस्ति यत् अद्यापि मतदाता सूची संशोधनस्य विशेष परिशोधन कार्यं सम्यक् सम्पन्नं न जातम्, निर्वाचन आयोगेन अपि काचित् आधिकारिक अधिसूचना न प्रकाशिताऽस्ति। तथापि घाटाल क्षेत्रे निर्वाचनसम्बद्धा गतिविधयः आरब्धाः एव दृश्यन्ते।

---------------

हिन्दुस्थान समाचार