बेंगलुरुः, 09 फ़रवरीमासः (हि.स.)। कर्नाटक राज्ये काँग्रेससर्वकारस्य कार्यप्रणाल्याः विषये भारतीयजनतापार्टी इत्यस्य प्रदेशाध्यक्षः बी वाई विजयेंद्रः तीव्रमाक्रमणं कृतवान्। तेन आरोपितं यत् राज्ये काँग्रेससर्वकारस्य “तुगलकदरबार” इव शासनं निरन्तरं प्रवर्तते, यत् कर्नाटकस्य भविष्याय अत्यन्तं दुर्भाग्यपूर्णम् अस्ति।

सामाजिकमाध्यममञ्चे “एक्स” इति नाम्नि प्रकाशिते स्ववक्तव्ये विजयेंद्रः उक्तवान् यत् एकस्मिन् पक्षे काँग्रेससर्वकारः विकासकार्याणां कृते धनाभावस्य कारणं दर्शयित्वा राज्यकोषः रिक्तः इति दावं करोति, अपरस्मिन् पक्षे आवश्यकवस्तूनां मूल्यवृद्ध्या सामान्यजनानां उपरि महङ्ग्याः भारं आरोपयति। तेन आरोपितं यत् एतस्मात् विपरीतं सर्वकारेण अलीकाले चतुःपञ्चाशत् निगममण्डलाध्यक्षेभ्यः उच्चपदस्य दर्जा प्रदाय काँग्रेसनेतृभ्यः मन्त्रिस्तरीयसुविधाः दातुं आदेशः निर्गतः।

बी वाई विजयेंद्रः मुख्यमन्त्रिणं सिद्धारमैया लक्ष्यीकृत्य उक्तवान् यत् समाजवादस्य मुखवटं धारयन्त्या सर्वकारेण एतत् स्पष्टीकर्तव्यं यत् यदा सामान्यजनाः महङ्ग्याः पीडिताः सन्ति तदा काँग्रेसनेतृभ्यः विशेषाधिकारसुविधादानं कथं न्यायसंगतम्। तेन उक्तं यत् काँग्रेससर्वकारः स्वस्य विफलप्रशासननीतीनां मूल्यं जनतायाः निकषे वसूलयति तथा जनकरराशेः उपयोगं दलनेतृणाम् ऐश्वर्यभोगाय करोति।

प्रदेशाध्यक्षेन अपि आरोपितं यत् काँग्रेससर्वकारस्य तथाकथितगारण्टीयोजनाभिः न आर्थिकरूपेण दुर्बलवर्गाः किञ्चित् स्थिरलाभं प्राप्तवन्तः, न च पिछडसमुदायानां स्थितौ कश्चित् वास्तविकः सुधारः जातः। तेन उक्तं यत् विकासनिगमानां मण्डलानां च अनुदानेषु कटौती कृता अस्ति, पूर्वं सञ्चालिताः सीमितकल्याणयोजनाः अपि स्थगिताः अथवा उपेक्षिताः कृताः।

विजयेंद्रः अवदत् यत् शून्यविकासः, सत्तालाभाय आसन्द्याः कलहः, विधिव्यवस्थायाः पूर्णविफलता, निरन्तरं दुर्बलतां गच्छन्ती अर्थव्यवस्था च एतेषां कारणानां फलरूपेण काँग्रेससर्वकारः कर्नाटकं अन्धकारस्य दिशि नयति। जनसमस्यासमाधानस्य स्थाने सत्तातृष्णापूर्त्यर्थं निगममण्डलेभ्यः मन्त्रिमण्डलदर्जा दत्त्वा राजकोषस्य मुक्तलुण्ठनं क्रियते।

अन्ते तेन विश्वासः व्यक्तः यत् राज्यस्य जागरूकजनता एतस्य भ्रष्टकाँग्रेससर्वकारस्य “तुगलकशासनस्य” शीघ्रमेव अन्तं करिष्यति तथा कर्नाटकं पुनः विकाससुशासनजवाबदेहितादिशि प्रत्यावर्तयिष्यति।---------

हिन्दुस्थान समाचार