Enter your Email Address to subscribe to our newsletters
बेंगलुरुः, 09 फ़रवरीमासः (हि.स.)।बेंगलुरुनगरस्य नम्मामेट्रो इत्यस्य यात्रामूल्यवृद्धेः विरोधे भारतीयजनतापक्षस्य कार्यकर्तारः सोमवासरे बेंगलुरुनगरस्य आर वी मेट्रोस्थानकस्य समीपे प्रबलं प्रदर्शनं कृतवन्तः। प्रदर्शनकाले बेंगलुरुदक्षिणलोकसभाक्षेत्रस्य भाजपासांसदः तेजस्वीसूर्य तथा जयनगरविधायकः सी के राममूर्ति इत्येतौ पुलिसविभागेन हिरासतायां नीतौ।
प्रदर्शनात् पूर्वं पुलिसप्रशासनेन निषेधाज्ञा सूचनापत्रं च निर्गतं तथापि भाजपानेतारः कार्यकर्तारः च मेट्रोस्थानकस्य बहिः एकत्रिताः भूत्वा राज्यसर्वकारस्य विरोधे नारे घोषयन्तः आसन्। अस्मिन् समये सांसदः तेजस्वीसूर्य रिक्तपेटिकाम् आदाय स्थलं प्राप्तवान्। तेन पेटिकां उद्घाट्य राज्यसर्वकारं लक्ष्यीकृत्य तां “रिक्तसर्वकार” इति निरूपितवान्। पेटिकायाः उपरि “रिक्तपेटिकासर्वकार” इति लेखयुक्तं पत्रं स्थापितं आसीत्, यत् सर्वकारस्य कथिताम् आर्थिकदुर्दशां प्रतीकरूपेण दर्शितम्।
यदा पुलिसविभागेन प्रदर्शनं निरोद्धुं प्रयत्नः कृतः तदा सांसदः तेजस्वीसूर्य उक्तवान्, “अहं किमपि प्रदर्शनं न करोमि, केवलं रिक्तपेटिकां धारयन् तिष्ठामि। मां कश्चित् न निरोद्धुं शक्नोति। संसत्सत्रं प्रवर्तते, अतः एतस्मिन् काले कस्यचित् सांसदस्य हिरासतायां ग्रहणं न युक्तम्। विधिं ज्ञात्वैव कार्यवाही क्रियताम्।” तथापि पुलिसविभागेन सः हिरासतायां नीतः तथा पेटिकायाः उपरि स्थापितानि पत्राणि अपसारितानि। जयनगरविधायकः सी के राममूर्ति अपि प्रदर्शनकाले निग्रहे गृहीतः।
प्रदर्शनस्य पूर्वसूचनां दृष्ट्वा प्रशासननेन सुरक्षायाः कठोरव्यवस्था कृता आसीत्। आर वी मेट्रोस्थानकस्य तस्य परितः च विंशत्यधिकाः पुलिसकर्मचारिणः नियुक्ताः आसन्। अतिरिक्ततया परिस्थितेः नियन्त्रणाय कर्नाटकराज्यरिजर्वपुलिसदलस्य एकं दलम् अपि स्थले उपस्थितः आसीत्।
भाजपानेतृभिः आरोपितं यत् मेट्रोयात्रामूल्यवृद्ध्या सामान्ययात्रिकाणां उपरि अतिरिक्तः आर्थिकभारः पतिष्यति तथा राज्यसर्वकारः जनविरोधिनिर्णयान् गृह्णाति। अपरपक्षे पुलिसप्रशासनस्य कथनम् अस्ति यत् विधिव्यवस्था रक्षितुं हिरासताकर्म कृतम्। अनन्तरं निग्रहात् नीतौ उभौ भाजपानेतारौ विमोचितौ।----------------
हिन्दुस्थान समाचार