आमिरखानप्रोडक्शन्स इत्यस्य बहुप्रतीक्षितस्य चलच्चित्रस्य ‘लाहौर १९४७’ इत्यस्य प्रदर्शनोत्सवस्य आधिकारिकतिथिः घोषिताऽस्ति। एषः कालखण्डनाट्यप्रधानः चलच्चित्रः अगस्तमासस्य त्रयोदशे दिने स्वातन्त्र्यदिवससप्ताहे चित्रमन्दिरेषु प्रदर्शितः भविष्यति। देशभक्तिभावेन ऐतिहासिकपृष्ठभूम्या च आधारितत्वात् अस्य चलच्चित्रस्य विषये दर्शकेषु पूर्वमेव विशेषोत्साहः दृश्यते।

एषः चलच्चित्रः अनेकदृष्ट्या विशेषः मन्यते, यतः प्रथमवारं सनीदेओलः, निर्देशकः राजकुमारसन्तोषी, निर्माता आमिरखानश्च एकत्र कार्यं कुर्वन्ति। अस्य कथा भारतविभाजनकालस्य पृष्ठभूमौ आधारितेति कथ्यते। आमिरखानः चलच्चित्रविषये भावुकतया उक्तवान्— “एषा कथा धरमजीमहाशयस्य अत्यन्तप्रियासु कथासु एका आसीत्, सः यदि एतत् चलच्चित्रं पश्येत् तर्हि मम अत्यन्तं हर्षः अभविष्यत्।” अस्य वक्तव्येन दर्शकाणां भावनात्मकसम्बन्धः अधिकं वर्धितः।

चलच्चित्रस्य कलाकारसमूहः अपि अतीव सुदृढः अस्ति। शबानाआज्मी, प्रीतिजिन्टा, करणदेओल इत्यादयः प्रमुखभूमिकासु दृश्यन्ते। सङ्गीतस्य दायित्वं प्रसिद्धसङ्गीतकारेण ए आर रहमान इत्यनेन वह्यते, गीतानि जावेदअख्तर इत्यनेन लिखितानि सन्ति। सद्यस्केषु सफलचलच्चित्रेषु विजयप्राप्तेः अनन्तरं सनीदेओलः पुनरपि बृहद्पर्दायां प्रभावशालिन्या शैलीया प्रत्यागच्छति, येन ‘लाहौर १९४७’ इत्यस्य विषये दर्शकाणाम् अपेक्षाः अधिकं वर्धन्ते।

हिन्दुस्थान समाचार