Enter your Email Address to subscribe to our newsletters
देहरादूनम्, ०९ फरवरीमासः (हि.स.)। उत्तराखण्ड-राज्यस्य मुख्यमन्त्री पुष्कर-सिंह-धामी सोमवासरे मुख्यमन्त्री-आवासे केन्द्रीय-चलच्चित्र-प्रमाणन-बोर्ड इत्यस्य (सीबीएफसी) अध्यक्षेन, लेखक-गीतकारेण च प्रसून-जोशिना सह शिष्टाचार-मेलनं कृतवान्।
मुख्यमन्त्रिणा प्रसून-जोशिनः साहित्ये सिनेमा-क्षेत्रे च योगदानं प्रशंसितम्। तयोः मध्ये कला, संस्कृतिः, साहित्यं तथा चलच्चित्र-सम्बद्धेषु विविधेषु विषयेषु विस्तृतः संवादः अभवत्। अस्मिन् अवसरे राज्यस्य सांस्कृतिक-विरासत्, लोक-कला, लोक-संगीतं तथा उत्तराखण्डे चलच्चित्र-निर्माणस्य सम्भावनाः इत्यादिषु विषयेषु विचार-विमर्शः कृतः।
श्री धामी अवदत् यत् उत्तराखण्ड-सरकारा राज्यं चलच्चित्र-निर्माणस्य तथा शूटिङ्ग्-कार्यस्य अनुकूलं केन्द्रं रूपेण विकसितुं सततं प्रयत्नशीलाऽस्ति, तथा अस्य उद्देश्यस्य सिद्धये नीतिगतं सहयोगं सुविधाश्च प्रदायन्ते। तेन भविष्ये राज्ये सिनेमा, साहित्यं तथा सांस्कृतिक-गतिविधीनां विस्ताराय सहयोगस्य अपेक्षा अपि व्यक्ता।
----
हिन्दुस्थान समाचार