Enter your Email Address to subscribe to our newsletters
हरिद्वारम्, 09 फ़रवरीमासः (हि.स.)।
बीएचईएल हरिद्वारे वसुधैवनीडम् फाउण्डेशन तथा रन क्लब हरिद्वार इत्येतयोः संयुक्ततत्त्वाधानेन वृक्षारोपणसमारोहः पञ्चकिलोमीटर धावनप्रतियोगिता च आयोजितौ। कार्यक्रमस्य शुभारम्भः संस्थाध्यक्षेण आचार्य योगेन्द्र मेधावी तथा मुख्यातिथिना राकेश कुमार (वसुधैवनीडम् उपाध्यक्षः) इत्याभ्यां बालकान् हरितध्वजं दर्शयित्वा कृतः। प्रतियोगितायां बालकैः सह बहुसंख्यया युवकाः युवत्यः च सहभागितां कृतवन्तः।
कार्यक्रमे बंजरभूमौ फलवन्तानां औषधीयानां च पादपानां रोपणं कृत्वा पर्यावरणसंरक्षणस्य विषये विशेषः बलः दत्तः। मुख्यातिथिः राकेश कुमार अवदत् यत् विचारशुद्धिः एव उत्तमकर्मणाम् आधारः अस्ति। देहरादूननगरात् आगता भैरवी भगिनी कार्यक्रमस्य सामाजिकसांस्कृतिकोपयोगितां प्रकाशितवती।
अन्ते प्रतिभागिभ्यः प्रमाणपत्राणि प्रदत्तानि तथा सात्त्विकभोजनस्य व्यवस्था अपि कृता। कार्यक्रमे ऋषिमन चन्दवानी, विशाल सैनी, सूर्या बिष्ट, शेर सिंह सैनी, किशन कुमार चन्दवानी, अर्चित चन्दवानी, अर्जुन भारद्वाज, सचिन तिवारी, मदन सिंहः इत्यादयः अन्ये सदस्याः अपि उपस्थिताः आसन्।
हिन्दुस्थान समाचार