Enter your Email Address to subscribe to our newsletters
--वूमेन इन साइंस इत्यस्य अर्थः केवलं रसायनशालायां कार्यं न करणीयम् : प्रो. गंगा राम मिश्रः
--भौतिकी एवं इलेक्ट्रानिक्स इत्येतयोर्विभागे संगोष्ठ्याः आयोजनम्
अयोध्या, 01 मार्चमासः (हि.स.)।
डॉ. राममनोहरलोहियाअवधविश्वविद्यालयस्य भौतिकीएवंइलेक्ट्रॉनिक्सविभागे कुलपतिना कर्नलडॉबिजेन्द्रसिंहेन निर्देशनं कृत्वा अस्य वर्षस्य “वूमेनइनसाइंसकैटालाइजिंगविकसितभारत” इति विषयम् अधिष्ठाय संगोष्ठी आयोजिता। राष्ट्रीयविज्ञानदिवसस्य अन्तर्गतं छात्रछात्राणां कृते प्रस्तुतीकरणपोस्टरमॉडलक्विजवादविवादप्रतियोगिताः आयोजिताः।
कार्यक्रमस्य मुख्यातिथिः मोतीलालनेहरूराष्ट्रियप्रौद्योगिकीसंस्थानस्य पूर्वनिदेशकः राजीवगांधीप्रौद्योगिकीविश्वविद्यालयभोपालस्य पूर्वकुलपतिः प्रो राजीवत्रिपाठी उक्तवान् यत् भारतं 2047तमवर्षपर्यन्तं विकसितराष्ट्ररूपेण स्थापयितुं वयं केवलं “प्रौद्योगिक्याः उपभोक्तारः” न भवेम, अपितु “अभियांत्रिकीकेंद्रं” भवेम। अस्माकं आत्मनिर्भरता तदा एव सिध्यति यदा अस्माकम् अभियांत्रिकी दृढा भविष्यति, तदा एव वयं स्वदेशीप्रौद्योगिकीं विकसितुं शक्नुमः। नवोन्मेषेन जलवायुपरिवर्तनादीनां नवीनसमस्याणां कृते नवीनानां अभियांत्रिकीसमाधानानां आवश्यकता अस्ति।
विशिष्टातिथिः वीरबहादुरपूर्वाञ्चलविश्वविद्यालयस्य प्रो बृजबिहारीतिवारी सरसीवीरमणस्य जीवनं रमनस्पेक्ट्रस्य वैज्ञानिकोपयोगितां च सरलशब्दैः व्याख्यातवान्। कार्यक्रमस्य अध्यक्षतां कुर्वन् विज्ञानसंकायाध्यक्षः प्रो एसएसमिश्र राष्ट्रनिर्माणे विज्ञानस्य भूमिकां विवेचितवान्।
कार्यक्रमस्य संयोजकः विभागाध्यक्षः प्रो गंगाराममिश्र स्वागतं कृत्वा अतिथीनां अभिनन्दनं कृतवान्। स उक्तवान् यत् “वूमेनइनसाइंस” इत्यस्य अर्थः केवलं प्रयोगशालायां कार्यं न, अपितु समानतासाहसआधुनिकतायाः प्रतीकः अस्ति। विकसितभारतस्य स्वप्नं तदा एव साकारं भविष्यति यदा देशस्य अर्धजनसंख्यायाः कृते वैज्ञानिकसंसाधनानां अवसराणां च समप्रवेशः भविष्यति। भारतीयमहिलावैज्ञानिकाः अधुना केवलं प्रयोगशालासु न सीमिताः, किन्तु जटिलमिशनानां नेतृत्वं कुर्वन्ति।
प्रो केकेवर्मा कार्यक्रमस्य विस्तृतरूपरेखां प्रस्तुतवान् तथा राष्ट्रियविज्ञानदिवसस्य पृष्ठभूमिं अस्य वर्षस्य विषयस्य सारगर्भितविवेचनं च कृतवान्। अधिष्ठात्री छात्रकल्याणस्य प्रो नीलमपाठक प्रस्तुतीकरणेन कार्यक्रमस्य विषयम् आधृत्य विज्ञानक्षेत्रे महिलानां योगदानं रेखाङ्कितवती।
कार्यक्रमस्य समापनं डॉ गीतिकाश्रीवास्तव धन्यवादज्ञापनेन अभवत्।
हिन्दुस्थान समाचार