Enter your Email Address to subscribe to our newsletters
भोपालम्, 01 मार्चमासः (हि.स.)।कृषककल्याणकृषिविकासमन्त्री एदल सिंह कंषाना उक्तवान् यत् कृषककल्याणवर्ष २०२६ अन्तर्गतं कृषकानां कृते महान् सौगाताः प्रदीयन्ते। अस्याः योजनायाः अन्तर्गतं जनजातीयाञ्चले प्रथमवारं कृषिकैबिनेटस्य ऐतिहासिकसभा २ मार्च दिने बड़वानी नगरे आयोजिता भविष्यति। अस्यां सभायां कृषकहिताय बहवः महत्त्वपूर्णनिर्णयाः गृहीताः भविष्यन्ति।
मन्त्री कंषाना रविवासरे स्वसन्देशे अवदत् यत् जनजातीयक्षेत्रे कृषिकैबिनेटस्य आयोजनं राज्यसरकारस्य कृषकानां प्रति दृढप्रतिबद्धतां दर्शयति। तेन उक्तं यत् सरकारस्य प्रमुखोद्देश्यः कृषकानां आयवृद्धिः, आधुनिक्तन्त्रज्ञानस्य प्रोत्साहनम्, सिंचनव्यवस्थायाः, बीजखादविपणनव्यवस्थानां च सुदृढीकरणम् अस्ति।
कृषिमन्त्री अवदत् यत् कृषककल्याणवर्ष २०२६ अन्तर्गतं प्रदेशीयकृषकाः विविधयोजनानां लाभं प्राप्नुवन्ति। बड़वानीनगरे आयोजितायां कृषिकैबिनेटसभायां विशेषतः जनजातीयकृषकानां समस्याः, प्राकृतिककृषिः, फसलविविधीकरणम्, कृषिअधोसंरचनाविकासः इत्यादिषु विषयेṣu अपि विस्तृतचर्चा भविष्यति।
मन्त्री कंषाना अवदत् यत् राज्यसरकारः कृषकानां जीवनस्तरं उन्नेतुं संकल्पिता अस्ति। एषा सभा प्रदेशस्य कृषिविकासे मीलपत्थररूपेण सिद्धा भविष्यति। जनजातीयाञ्चले एतादृशी उच्चस्तरीयसभा आयोजनं तत्रस्थितकृषकानां कृते गौरवस्य अवसरः अस्ति।
हिन्दुस्थान समाचार