Enter your Email Address to subscribe to our newsletters
रांची, 10 मार्चमासः (हि.स.)।
विदेशेषु कस्यचित् प्रवासी-श्रमिकस्य मृत्युर्भवति चेत् तस्य शवस्य भारतदेशं प्रति आनयनार्थं रेलयान- वा विमानयान-यात्रायाः समग्रव्ययं राज्यसरकारा वहिष्यति। एतत् श्रम-नियोजन-कौशलविकास-उद्योगविभागस्य कटौतीप्रस्तावानन्तरं मागेषु चर्चायां मङ्गलवासरे विधानसभायां उत्तरं दत्त्वा मन्त्री संजयप्रसादयादव उक्तवान्।
तेन उक्तं यत् सरकारा प्रवासी-श्रमिकाणां हितरक्षणाय तथा तेषां परिवाराणां साहाय्यप्रदानाय निरन्तरं प्रयत्नशीलाऽस्ति। दुर्घटनासु मृतानां २७३ प्रवासी-श्रमिकाणां परिवारजनानां प्रति अद्यपर्यन्तं २ कोटि ८५ लक्ष रूप्यकाणां सहायता-राशिः प्रदत्ता। अपि च २१९ प्रवासी-श्रमिकाणां शवस्य तेषां पैतृक-निवासं प्रति आनयनार्थं १ कोटि ६ लक्ष ५५ सहस्र रूप्यकाणां आर्थिकसहायता अपि प्रदत्ता।
मन्त्री अवदत् यत् विदेशेषु कार्यरताणां षट् श्रमिकाणां मृत्युर्भूत्वा तेषां परिवारजनानां प्रति ३० लक्ष रूप्यकाणां सहायता-राशिः प्रदत्ता। तदनन्तरं झारखण्डराज्यस्य प्रवासी-सुलभ-योजना-अन्तर्गतं राज्य-मुख्यालये प्रवासी-नियन्त्रण-कक्षाः स्थापिताः भविष्यन्ति। अन्येषु पञ्चसु राज्येषु अपि एतादृशानां नियन्त्रण-कक्षाणां स्थापनाय योजना अस्ति, येन प्रवासी-श्रमिकाणां समस्याः शीघ्रं समाधानं प्राप्नुयुः।
मन्त्री अवदत् यत् राज्ये बहवः निवेश-प्रस्तावाः प्राप्ताः, येन नूतन-रोजगार-अवसराणां सृजनस्य सम्भावना वर्तते। विश्व-आर्थिक-मञ्चस्य माध्यमेन झारखण्डराज्याय १ लक्ष २४ सहस्र २३० कोटि रूप्यकाणां निवेशस्य प्रस्तावः प्राप्तः। अस्मात् निवेशात् राज्ये ४५ सहस्राधिकाः रोजगार-अवसराः सृज्यन्ते इति अपेक्षा अस्ति।
तेन उक्तं यत् राज्यसरकारस्य औद्योगिक-नीतिभिः प्रायः २० सहस्र कोटि रूप्यकाणां अतिरिक्त-निवेशस्य सम्भावना अपि उत्पन्ना, येन प्रायः १९ सहस्र प्रत्यक्ष-अप्रत्यक्ष-रोजगार-अवसराः सृज्यन्ते। मन्त्री अवदत् यत् राज्ये १५ नूतन-औद्योगिक-एककानां स्थापनाय मार्गः प्रशस्तः अभवत्, येषां माध्यमेन प्रायः २९ सहस्र कोटि रूप्यकाणां निवेशः भविष्यति।
मन्त्री श्रमिक-कल्याण-सम्बद्ध-योजनानां उल्लेखं कृत्वा अवदत् यत् राज्ये अभियानं चालयित्वा ८० बाल-श्रमिकाः मुक्ताः कृताः। तेषु २२ बालानां विद्यालयेषु नामाङ्कनं कृतम्, अन्येषां बालानां नामाङ्कन-प्रक्रिया अपि प्रवर्तते।
अन्ते सभापतिः डॉ. रबीन्द्रनाथमहतो विपक्षेण प्रस्तुतं कर्तन-प्रस्तावं अस्वीकृत्य सदनस्य कार्यवाहीं ११ मार्च-दिने प्रातः ११ वादनपर्यन्तं स्थगितवान्।
---------------
हिन्दुस्थान समाचार