पूर्वीसिंहभूम–जनपदः, १० मार्चमासः (हि.स.)। सीतारामडेरा–स्थिते अम्बेडकर–भवने स्लेग–रोड्–मार्गे सामाजिक–संस्थाया: “प्रयास–एक–कदम” इत्यस्याः आयोजनस्य अन्तर्गतं आयोजितस्य पञ्चचत्वारिंशत्–दिवसीयस्य ब्यूटी–एण्ड्–वेलनेस–प्रशिक्षण–कार्यक्रमस्य मंगलवासरे समापनम् अभवत्। अस्मिन् अवसरे प्रशिक्षणं प्राप्तवत्यः पञ्चाशत् महिलाः प्रमाणपत्रैः सम्मानिताः।

समापन–समारोहे मुख्यातिथिरूपेण पंकज–सिन्हा उपस्थितः आसीत्, यदा विशिष्टातिथयः रूपेण जय–प्रकाशः, अभिषेकः, डॉ.जे.पी.–सिन्हा तथा जया–शर्मा अपि उपस्थिताः आसन्। कार्यक्रमस्य अध्यक्षतां संस्थायाः अध्यक्षा रेनू–शर्मा अकरोत्। समारोहे बहुसंख्यया प्रतिभागिन्यः, अतिथयः स्थानीय–जनाः च उपस्थिताः आसन्।

कार्यक्रमं सम्बोधयन् मुख्यातिथिः पंकज–सिन्हा अवदत् यत् वर्तमानकाले महिलानां आत्मनिर्भरत्वं अत्यन्तम् आवश्यकम् अस्ति। तेन उक्तं यत् एतेषां कौशल–आधारित–प्रशिक्षण–कार्यक्रमाणां माध्यमेन महिलाभ्यः स्वपादयोः स्थातुं अवसरः लभ्यते तथा च तासां अन्तर्निहिता प्रतिभा अपि विकसिता भवति। तेन संस्थाया: अस्य प्रयासस्य प्रशंसा कृता तथा उक्तं यत् एतादृशैः कार्यक्रमैः महिलाभ्यः स्वरोजगारस्य अवसराः लभन्ते तथा समाजे तासां पृथक् परिचय: अपि निर्मीयते।

संस्थाया: “प्रयास–एक–कदम” इत्यस्याः अध्यक्षा रेनू–शर्मा अपि अवदत् यत् संस्थाया: मुख्यं उद्देश्यं महिलाभ्यः कौशल–प्रशिक्षणं प्रदाय ताः आत्मनिर्भराः कर्तुम् अस्ति। तया उक्तं यत् पञ्चचत्वारिंशत्–दिवसान् यावत् आयोजिते अस्मिन् प्रशिक्षण–कार्यक्रमे प्रतिभागिन्यः ब्यूटी–एण्ड्–वेलनेस–सम्बद्धाः विविधाः तकनीकी-आवश्यक–सूचनाश्च अवगता:। अनेन महिलाः अग्रे स्वस्य रोजगारं आरब्धुं शक्नुवन्ति तथा च स्वपरिवारस्य आर्थिक–स्थितेः सुदृढीकरणे योगदानं दास्यन्ति।

हिन्दुस्थान समाचार / अंशु गुप्ता