Enter your Email Address to subscribe to our newsletters
धर्मशाला, 10 मार्चमासः (हि.स.)।
विधानसभायाः उपमुख्यसचेतकः तथा शाहपुर विधानसभा क्षेत्रस्य विधायकः केवल सिंह पठानिया उक्तवान् यत् शाहपुरविधानसभाक्षेत्रस्य पंचायतानां समग्रः, संतुलितः तथा सततविकासः मम सर्वोच्चप्राथमिकतासु अन्तर्भवति। प्रदेशसरकार अपि अस्य कृते पूर्णतया प्रतिबद्धा अस्ति तथा पंचायतस्तरे आधारभूतसुविधानां सुदृढीकरणाय विविधविकासकार्याणि चरणबद्धरीत्या अग्रे नीयन्ते।
केवल सिंह पठानिया मङ्गलवासरे रैत विकासखण्डस्य कजलोट ग्रामपञ्चायतेः ३३ लक्षरूप्यकव्ययेन नवनिर्मितस्य पञ्चायतभवनस्य उद्घाटनानन्तरं जनसभां सम्बोधयन् अवदत् यत् प्रदेशसरकारस्य अभिप्रायः अस्ति यत् विकासः केवलं कागदपत्रेषु न सीमितः भवेत्, अपि तु योजनानां लाभः पंचायतस्तरात् आरभ्य बूथस्तरपर्यन्तं प्रत्येकं नागरिकं प्रति प्राप्नुयात्। अस्यैव उद्देश्याय शाहपुरविधानसभाक्षेत्रस्य सर्वासु पंचायतासु विकासयोजनानां धरातले प्रभावी क्रियान्वयनं सुनिश्चितं क्रियते।
तेन अपि उक्तं यत् कजलोट ग्रामपञ्चायतेः अन्तर्गतं शीघ्रमेव पटवारगृहस्य, महिलामण्डलभवनस्य तथा उद्यानस्य निर्माणं करिष्यते, येन स्थानीयजनानां कृते अधिकाः सुविधाः उपलब्धाः भविष्यन्ति। सः अवदत् यत् प्रदेशसरकार ग्रामीणक्षेत्राणां समग्रविकासाय प्रतिबद्धा अस्ति तथा पंचायतस्तरे आधारभूतसुविधानां सुदृढीकरणाय निरन्तरं कार्यं क्रियते।
हिन्दुस्थान समाचार