Enter your Email Address to subscribe to our newsletters
पटना, 12 मार्चमासः (हि.स.)।
जनतादल यूनाइटेड दलस्य प्रदेशप्रवक्ता अंजुम आरा सामाजिकमाध्यमसंवादं कुर्वती उक्तवती यत् मुख्यमंत्री नितीश कुमारस्य नेतृत्वे बिहारराज्येन गतद्विदशकयोः विकासस्य सुशासनस्य सामाजिकन्यायस्य च या नूतना दिशा दृष्टा सा राज्यस्य इतिहासे महत्त्वपूर्ण अध्यायरूपेण सदा स्मरणीया भविष्यति। मुख्यमंत्री नितीश कुमारः स्वकार्यकाले पुनः पुनः एतत् सिद्धं कृतवान् यत् राजनीति केवलं सत्ताप्राप्तेः साधनं नास्ति, अपि तु समाजस्य सेवा समर्पणं जनतायाः प्रति उत्तरदायित्वस्य पालनं च संकल्परूपेण अस्ति। एतस्यैव भावनया सः निरन्तरं बिहारस्य विभिन्नेषु जिलासु यात्रां कृत्वा जनानां मध्ये गत्वा विकासकार्याणां समीक्षां कुर्वन् आसीत्।
अस्यैव क्रमस्य अन्तर्गतं मुख्यमंत्री श्रीनितीश कुमारस्य समृद्धियात्रायाः समये तयोः अररिया तथा किशनगंज जिलयोः भ्रमणं अत्यन्तं महत्त्वपूर्णम् आसीत्। अस्मिन् अवसरे सः न केवलं प्रवर्तमानानां विकासयोजनानां समीक्षां कृतवान्, अपि तु अनेकानां नूतनयोजनानां शिलान्यासं उद्घाटनं च कृत्वा एतयोः जिलयोः विकासाय नूतनां गतिं दत्तवान्।
प्रदेशप्रवक्ता अंजुम आरा उक्तवती यत् अररिया जिले मुख्यमंत्री महोदयेन प्रायः पञ्चशतषट्चत्वारिंशत्कोटिरूप्यकाधिकमूल्यायाः विकासयोजनानां शिलापट्टानां अनावरणं कृतम्। एतेषु मार्गसेतूनां निर्माणम्, प्रशासनिकसंरचनाया सुदृढीकरणम्, जनपदस्य आधारभूतसंरचनायाः विस्तारः च सम्बद्धाः बहवः महत्त्वपूर्णाः परियोजनाः समाविष्टाः सन्ति। तेन सप्तपञ्चाशत्कोटिरूप्यकव्ययेन षष्टियोजनानाम् उद्घाटनं कृतम्, त्रिशतैकत्रिंशत्कोटिरूप्यकव्ययेन षड्योजनानां शिलान्यासः कृतः, अष्टपञ्चाशत्कोटिरूप्यकव्ययेन द्वयोः योजनयोः शुभारम्भः कृतः।
प्रवक्ता उक्तवती यत् मुख्यमंत्री नितीश कुमारः विभिन्नानां कल्याणकारीयोजनानां लाभार्थिभिः सह अपि प्रत्यक्षसंवादं कृतवान्। साइकिलयोजनायाः छात्राभिः, अक्षरआंचलयोजनायाः लाभार्थिभिः, बिहार स्टूडेंट क्रेडिट कार्ड योजनायाः विद्यार्थिभिः, दिव्यांगजनैः, कृषकैः तथा मुख्यमंत्री ग्रामीण आवास योजनायाः लाभार्थिभिः सह संवादं कृत्वा सः योजनानां प्रभावस्य विषये जानकारीम् प्राप्तवान्।
अनन्तरं मुख्यमंत्री नितीश कुमारः किशनगंज जिले भ्रमणं कृतवान्, यत्र सः प्रायः द्विशत्पञ्चत्रिंशत्कोटिरूप्यकव्ययेन विकासयोजनानाम् उद्घाटनं शिलान्यासं च कृतवान्। अस्मिन् अवसरे त्रिशतत्रयोदशकोटिरूप्यकव्ययेन त्रिसप्ततियोजनानां शिलान्यासः तथा द्विशत्द्विकोटिरूप्यकव्ययेन एकोनपञ्चाशद्योजनानाम् उद्घाटनं कृतम्। एतासां योजनानां मुख्यः उद्देश्यः मार्गसेतूनां निर्माणम्, विद्युत्व्यवस्थायाः सुदृढीकरणम् तथा प्रशासनिकसंरचनाया दृढीकरणम् अस्ति।
सः ठाकुरगंज बाईपास मार्गस्य निर्माणकार्यस्य निरीक्षणं कृत्वा अधिकारिणः निर्देशितवान् यत् सर्वाणि विकासकार्याणि उत्तमगुणवत्तया समयसीमायां च पूर्णानि क्रियन्ताम्।
किशनगंजे अपि मुख्यमंत्री महोदयेन जीविका भागिनीभिः सह संवादः कृतः तथा स्वयं सहाय्यसमूहानां कृते आर्थिकसहायता प्रदत्ता। अस्मिन् अवसरे सहस्रशः महिलाभ्यः वित्तकोषसम्बन्धनस्य माध्यमेन द्विशत्चत्वारिंशत्कोटिरूप्यकाधिकसहायता, सामूहिकनिवेशनिधिरूपेण एकविंशतिकोटिरूप्यकाधिकराशिः तथा सततजीविकोपार्जनयोजनायाः अन्तर्गतं लाभार्थिभ्यः आर्थिकसहयोगः प्रदत्तः। एषा पहल ग्रामीणमहिलानां आर्थिकसशक्तीकरणस्य दिशि महत्त्वपूर्णः पादः अस्ति।
---------------
हिन्दुस्थान समाचार