नव दिल्ली, 12 मार्चमासः(हि.स.)

मुख्यमन्त्री रेखा गुप्ता गुरुवासरे इन्दिरा गांधी दिल्ली महिला प्रौद्योगिकी विश्वविद्यालयस्य अष्टमे दीक्षान्तसमारोहे सहभागिनी अभवत्। तया स्नातकाध्ययनं सम्पन्नाः छात्राः अभिनन्दिताः तथा तासां उज्ज्वलभविष्यस्य शुभाशंसाः कृताः।

मुख्यमन्त्री उक्तवती यत् दीक्षान्तसमारोहः केवलं अध्ययनस्य समाप्तिः न, अपि तु जीवनस्य नूतनारम्भः अस्ति। तया छात्राभ्यः उक्तं यत् ताः जिज्ञासया नवाचारभावेन उत्तरदायित्वबोधेन च अग्रे गच्छेयुः तथा स्वस्य ज्ञानं प्रौद्योगिकीं च समाजस्य देशस्य च हिताय उपयुञ्जीरन्।

अस्मिन् अवसरे दिल्लीस्य मन्त्रिमण्डलमन्त्री आशीष सूद, विश्वविद्यालयस्य कुलपतिः प्रोफेसर रंजना झा, अध्यापकाः, अभिभावकाः तथा बहुसंख्याः छात्राः अपि उपस्थिताः आसन्।

मुख्यमन्त्री उक्तवती यत् अद्यतनः दिवसः तासां जीवनस्य महत्त्वपूर्णसिद्धेः प्रतीकः अस्ति, यत्र बहुवर्षपरिश्रमस्य समर्पणस्य स्वप्नसिद्धेः च उत्सवः मन्यते। अद्य अस्मात् स्थात् एकसहस्रैकाशीत्यधिकाः छात्राः केवलं उपाधिप्राप्ताः न, अपि तु भविष्यकालस्य भाग्यविधात्र्यः सन्ति, याः स्वज्ञानकौशलनेतृत्वक्षमताभिः समाजस्य राष्ट्रस्य च भविष्यं दिशं दास्यन्ति।

तया उक्तं यत् मोदी सरकारस्य डिजिटल इंडिया, आत्मनिर्भर भारत, स्टार्टअप इंडिया तथा स्किल इंडिया इत्यादयः राष्ट्रियाः अभियानाः युवानां कृते नवाचारस्य अनुसन्धानस्य उद्यमितायाश्च नूतनान् अवसरान् प्रदत्तवन्तः। इन्दिरा गांधी दिल्ली महिला प्रौद्योगिकी विश्वविद्यालयः अपि एताभिः राष्ट्रियपहलाभिः सह समं कार्यं कुर्वन् नारीसशक्तीकरणस्य विकसित भारत 2047 इत्यस्य च दृष्टेः साकारकरणे महत्त्वपूर्णं योगदानं ददाति।

मुख्यमन्त्री उक्तवती यत् भारतदेशः महिला सशक्तीकरणस्य क्षेत्रे दीर्घं पन्थानं गतवान्। बेटी बचाओ इत्यस्मात् बेटी पढ़ाओ पर्यन्तं, अधुना तु बेटी बढ़ाओ इति संकल्पस्य दिशि देशः अग्रे गच्छति। तया छात्राभ्यः उक्तं यत् अभियान्त्रिकी, प्रबन्धन तथा विज्ञानक्षेत्रेषु प्राप्तासु उपलब्धिषु न तिष्ठेयुः, अपि तु स्वकरियरस्य परिवारस्य देशस्य च अपेक्षाः मनसि निधाय निरन्तरं प्रगतिं कुर्वन्तु।

मुख्यमन्त्री महिलानेतृत्वेन संचालितविकासस्य महत्त्वं निर्दिश्य उक्तवती यत् महिलाः अधुना केवलं विकासस्य सहभागिन्यः न, अपि तु नेतृत्वकर्तारः अपि भवन्ति। साहसस्य परिश्रमस्य च कश्चन लिङ्गभेदः न अस्ति, इतिहासे च सर्वेषु क्षेत्रेषु महिलानां महत्त्वपूर्णं योगदानं दृश्यते।

दिल्लीसर्वकारः शिक्षा कौशल प्रौद्योगिकी अनुसन्धानक्षेत्रेषु प्रोत्साहनार्थं निरन्तरं प्रयत्नशीलः अस्ति। यदा महिलाः शिक्षया कौशलेन च सशक्ताः भवन्ति तदा न केवलं तासां जीवनं परिवर्तते, अपि तु समाजस्य राष्ट्रस्य च विकासाय नूतना दिशा अपि लभ्यते।

मुख्यमन्त्री उक्तवती यत् इन्दिरा गांधी दिल्ली महिला प्रौद्योगिकी विश्वविद्यालयः देशे महिलानां कृते प्रौद्योगिकीशिक्षायाः अग्रणीसंस्था रूपेण विकसितः अस्ति। एषा संस्था अभियान्त्रिकी, विज्ञानप्रौद्योगिकी, वास्तुकला तथा प्रबन्धनादिषु क्षेत्रेषु महिलानां सशक्तीकरणे महत्त्वपूर्णां भूमिकां निर्वहति। एतत् विश्वविद्यालयं केवलं उपाधिप्रदानसंस्था न, अपि तु भविष्यस्य महिला वैज्ञानिकाः अभियन्तारः उद्यमिन्यः नेतृत्वकर्तारः च निर्मातुं समर्थं मंचं अस्ति।

मन्त्री आशीष सूदः उक्तवान् यत् एषः अवसरः केवलं उपाधिप्राप्तेः न, अपि तु विश्वाय एतत् सन्देशं दातुं यत् अद्यतनाः युवमहिलाः भविष्यस्य निर्मात्र्यः नवप्रवर्तकाः नेतृत्वकर्तारः च सन्ति। सः उक्तवान् यत् भारतदेशः अधुना अमृतकालस्य अवधिं अनुभवति तथा अस्मिन् काले महिलानां सहभागिता राष्ट्रविकासस्य महान् शक्तिरूपेण उद्भवति।

पूर्वं समाजे महिलाभ्यः पश्चाद् तिष्ठितुं उक्तं जातम्, किन्तु अद्य महिलाः सर्वेषु क्षेत्रेषु स्वक्षमतायाः नेतृत्वस्य च परिचयं ददति। दिल्ली सरकारः युवानां विशेषतः छात्राणां कृते शिक्षा नवाचार उद्यमिता इत्यादिषु नूतनान् अवसरान् दातुं प्रतिबद्धा अस्ति।

आशीष सूद उक्तवान् यत् अद्य दीक्षान्तसमारोहे उपस्थिताः छात्राः केवलं उपाधिं गृह्णन्ति न, अपि तु समाजं दिशां दातुं उत्तरदायित्वं अपि स्वेन सह वहन्ति। सः विश्वासं व्यक्तवान् यत् एताः छात्राः स्वज्ञानप्रतिभासंकल्पबलैः विकसित भारत विकसित दिल्ली इत्यस्य निर्माणे महत्त्वपूर्णां भूमिकां निर्वहिष्यन्ति।

समारोहस्य समये विश्वविद्यालयस्य विभिन्नकार्यक्रमेषु स्नातकभूताभ्यः छात्राभ्यः समग्ररूपेण 1181 उपाधयः प्रदत्ताः। तासु 938 स्नातक उपाधयः, 212 स्नातकोत्तर उपाधयः तथा 31 पीएचडी उपाधयः आसन्। उत्कृष्टशैक्षणिकउपलब्धीनां नेतृत्वक्षमतायाः च सम्मानार्थं विश्वविद्यालयेन द्वे चांसलर पदकानि, पञ्चदश वाइस चांसलर पदकानि तथा षड्विंशतिः उत्कृष्टप्रदर्शनपुरस्काराः अपि प्रदत्ताः।।

---------------

हिन्दुस्थान समाचार