क्रैश–सेफ्टी–प्रणाली–युक्तम् एतत् हेलिकॉप्टरविमानं दुष्काले अपि रात्रौ च उड्डयनं कर्तुं समर्थः

लखनऊनगरम्, १३ मार्चमासः (हि.स.)। उत्तर–प्रदेशस्य मुख्यमन्त्रिणः योगि–आदित्यनाथस्य सुरक्षित–यात्रायै अधुना प्रदेश–सर्वकारस्य विमानपत्तने इटली–देशस्य लियोनार्डो–निर्माण्या: अत्याधुनिकं अगस्ता–वेस्टलैण्ड–एडब्ल्यू–१३९–हेलिकॉप्टरविमानं समाविष्टम् अस्ति। अस्य उन्नत–एवियोनिक्स–प्रणाली, क्रैश–सेफ्टी–प्रणाली तथा अन्याभिः विशेषताभिः कारणैः राज्य–सर्वकारेण एतत् क्रीतम्। मुख्यमन्त्री योगि–आदित्यनाथः अनेनैव हेलिकॉप्टरविमानेन राम–नगरी–अयोध्यां गतवान्, तदा आरभ्य एतत् हेलिकॉप्टरविमानं चर्चायां प्रविष्टम्।

विशेषज्ञैः उक्तम् यत् अस्मिन् हेलिकॉप्टरविमाने बहवः विशेष–गुणाः सन्ति, येन एतत् अन्येभ्यः हेलिकॉप्टरविमानेभ्यः विशिष्टं भवति। अस्य संचालनस्य विषये वदन्ति यत् एतत् सामान्य–वैमानिकेन न उड्डाप्यते, अपि तु अस्य संचालनाय विशेष–दक्षता–युक्तः चालक: आवश्यकः भवति। अतः राज्य–सर्वकारेण त्रयः विमान—चालका: अमित–कुमार–भूटानी, अक्षय–जायसवाल: तथा राजेश–कुमार–शर्मा—इटली–देशं प्रेषिताः, यत्र तेभ्यः अगस्ता–वेस्टलैण्ड–एडब्ल्यू–१३९ इत्यस्य तांत्रिक–पक्षाणां तथा अन्येषां विशेषताः अवगन्तुं प्रशिक्षणं दत्तम्। अस्मिन् प्रशिक्षणकार्यक्रमे उपकरण–प्रशिक्षणेन सह संकट–स्थितौ आपत्कालीन–अवतरणस्य अभ्यासः अपि समाविष्टः आसीत्। एतस्य प्रशिक्षणस्य कृते सर्वकारेण ५०.४० लक्ष–रूप्यकाणां व्ययः कृतः।

यदि अस्य हेलिकॉप्टरविमानस्य गतिविषये वदामः, तर्हि एतत् सामान्य–हेलिकॉप्टरविमानेभ्यः अत्यधिक–वेगेन उड्डीयते। अस्य अधिकतम–वेगः प्रायः ३१० किमी प्रति होरा अस्ति। एतत् हेलिकॉप्टरविमानं दुष्काले अपि रात्रौ च उड्डयनं कर्तुं समर्थः, येन आपत्कालीन–परिस्थितिषु अपि अस्य उपयोगः सम्भवः भवति। अस्या: संरचनायाः सुरक्षायाश्च दृष्ट्या अस्य देहः बुलेट–प्रूफ् इति अस्ति, तथा च अस्मिन् यन्त्र–तोपिकां स्थापयितुं सुविधा अपि अस्ति, या आवश्यकतानुसारं स्थापयितुं शक्यते।

द्वाभ्यां वैमानिकाभ्यां सह पञ्चदश जनाः यात्रां कर्तुं शक्नुवन्ति

अगस्ता–वेस्टलैण्ड–एडब्ल्यू–१३९–हेलिकॉप्टरविमाने द्वाभ्यां वैमानिकाभ्यां सह पञ्चदश जनानां उपवेशन–क्षमता अस्ति। अस्य विमानस्य विस्तारः ८.३ फुट् विस्तीर्णः तथा ६.१ फुट् उच्चः अस्ति, यत् सामान्य–हेलिकॉप्टरविमानस्य अपेक्षया अधिकः भवति। अस्मिन् हेलिकॉप्टरविमाने शक्तिशालिनौ द्वौ इञ्जिन-इत्येतौ स्तः। यदि कदाचित् एकं इञ्जिनयन्त्रं कार्यं न करोति, तर्हि अन्यस्य इञ्जिन-इत्यस्य उपयोगः आपत्कालीन–स्थितौ कर्तुं शक्यते। अस्मिन् क्रैश–सेफ्टी–प्रणाली, डिजिटल–ग्लास–कॉकपिट् तथा ध्वनि–निरोधक–केबिन इत्यादयः सुविधाः अपि सन्ति। अस्य अन्यतमा विशेषता अस्ति यत् एतत् यात्राकाले अपि इन्धन–पूर्तिं कर्तुं समर्थ: भवति।

उल्लेखनीयम् अस्ति यत् अगस्ता–वेस्टलैण्ड–एडब्ल्यू–१३९ इदानीं लियोनार्डो–एडब्ल्यू–१३९ इति नाम्ना अपि ज्ञायते। एतत् इतालवी–हेलिकॉप्टर–निर्माता–निर्माण्या अगस्ता–वेस्टलैण्ड इत्यनया विकसितं निर्मितं च, या अधुना लियोनार्डो–निर्माण्या: अङ्गं वर्तते। अस्य विमानस्य मूल्यं प्रायः १०० कोटि रूप्यकाणि इति निर्दिष्टम्।

हिन्दुस्थान समाचार / अंशु गुप्ता