रायबरेली–नगरम्, १३ मार्चमासः (हि.स.)। राना–बेनी–माधव–बख्श–सिंह–स्मारक–समितेः रायबरेली–जनपदस्य प्रतिनिधिमण्डलेन शुक्रवासरे मुख्यमन्त्रिणे योगी–आदित्यनाथेन तस्य शासकीय–निवासे शिष्टाचार–साक्षात्कारं कृतम्। प्रतिनिधिमण्डलेन मुख्यमन्त्रिणे जापान–सिंगापुर–देशयोः सफल–यात्रायै शुभकामनाः प्रदत्ताः। समितेः वार्षिकी–पत्रिकायाः “अवध–केसरी” इत्यस्य दशमस्याङ्कस्य अपि विधिवत् विमोचनं मुख्यमन्त्रिणा कृतम्।

साक्षात्कार–समये प्रतिनिधिमण्डलेन रायबरेली–जनपदस्य विकासेन सम्बद्धाः विविधाः समस्याः महत्त्वपूर्णाश्च प्रस्तावाः मुख्यमन्त्रिणे निवेदिताः। तेषु जनपदे भव्य–प्रवेश–द्वार–निर्माणस्य विषयः तथा च हैदरगढ़–स्थिताया: शर्करा–निर्माण्या: निरोधनात् कृषकाणां ईक्षु–उत्पादन–समस्यायाः विषयः प्रमुखतया प्रस्तुतः। समितेः पदाधिकाऱिभिः मुख्यमन्त्रिणं प्रति कृतज्ञता व्यक्ता तथा च विश्वासः व्यक्तः यत् तस्य मार्गदर्शनेन रायबरेली–जनपदस्य विकासस्य तथा जन–समस्यानां समाधानस्य दिशि सकारात्मकः प्रयासः भविष्यति। मुख्यमन्त्री अपि जनहिताय उत्तमानि कार्याणि कर्तुं समितेः सदस्येभ्य: प्रेरणां दत्तवान्।

राना–बेनी–माधव–बख्श–सिंह–स्मारक–समित्या प्रकाशितायाः वार्षिकी–पत्रिकायाः “अवध–केसरी” इत्यस्य दशम–अङ्कस्य प्रकाशनस्य निमित्तं मुख्यमन्त्रिणा शुभकामनाः प्रदत्ताः तथा च प्रसन्नता व्यक्ता यत् समिति: उत्तमरीत्या कार्यं कुर्वती अस्ति। अस्मिन् अङ्के अमर–स्वातन्त्र्य–सेनानिनः राना–बेनी–माधव–बख्श–सिंहस्य आङ्ग्ल–शासनस्य विरुद्धं कृतस्य संघर्षस्य विषये विस्तरेण विवरणं प्रदत्तम् अस्ति। अष्टादश–शत–सप्त–पञ्चाशत्तमे (१८५७) वर्षे जातस्य भारत–स्वातन्त्र्य–समरस्य विषये साहित्यकारैः अपि स्वकीय–लेखन–माध्यमेन राष्ट्रस्य स्वातन्त्र्य–आन्दोलनस्य सफलतायां महत्त्वपूर्णा भूमिका निर्वूढा—एतस्य अपि विस्तृतं वर्णनं अस्मिन् अङ्के प्रदत्तम् अस्ति।

समितेः उद्देश्यं यत् “अवध–केसरी” पत्रिकायाः माध्यमेन १८५७–क्रान्तौ वीरगतिं–प्राप्तानां वीराणां विषये जनं जनं प्रति सूचनां प्रेषयितुं, तस्मिन् काले राष्ट्र–रक्षणार्थं कासु परिस्थितिषु संघर्षः कृतः इति जनान् अवबोधयितुं, तथा च यूनां कृते राष्ट्रहिताय प्रेरणां दातुम्। समितेः प्रयासः अमर–बलिदानिनां परिवाराणां सहयोगं कर्तुं तथा तैः कृतानां कार्याणां विषये सर्वान् अवगतं कर्तुं च अस्ति।

अस्मिन् अवसरे समितेः संरक्षकः इन्द्रेश–विक्रम–सिंहः, कौशलेंद्र–सिंहः, उपाध्यक्षः राकेश–भदौरिया, रविन्द्र–सिंहः, अभिषेक–विक्रम–सिंहः, जितेन्द्र–सिंहः, एस.पी.–सिंहः, आर.बी.–सिंहः, अशोक–सिंहः इत्यादयः अपि उपस्थिताः आसन्।

हिन्दुस्थान समाचार / अंशु गुप्ता