Enter your Email Address to subscribe to our newsletters
नव दिल्ली, 14 मार्चमासः (हि.स.)।
रेखा गुप्ता, या दिल्ली नगरस्य मुख्यमन्त्री अस्ति, शनिवासरे शालीमार बाग विधानसभाक्षेत्रस्य सहीपुर ग्रामे स्थिते चौपाल-स्थले आयुष्मान आरोग्य मन्दिर उद्घाट्य जनतायै समर्पितवती।
मुख्यमन्त्री रेखा गुप्ता सामाजिक-माध्यम-मञ्चे X प्रकाशिते स्वसन्देशे अवदत् यत् एतत् आरोग्य-मन्दिरं क्षेत्रस्य नागरिकेभ्यः सुलभानि गुणवत्तायुक्तानि च स्वास्थ्य-सेवानि प्रदास्यति। अत्र निःशुल्क-वैद्य-परामर्शः, आवश्यक-परीक्षणानि, औषधानि, टीकाकरणम्, प्राथमिक-चिकित्सा-सेवाः च उपलब्धाः भविष्यन्ति।
सा अपि अवदत् यत् गतस्य एकस्य वर्षस्य अन्तर्गतं आरब्धानि 371 आयुष्मान आरोग्य मन्दिराणि एतं संकल्पं दृढीकुर्वन्ति यत् स्वास्थ्य-सेवाः प्रत्येक-नागरिकं प्रति सम्मानपूर्वकं तस्य गृहस्य समीपे एव प्राप्नुवन्तु।
उल्लेखनीयम् अस्ति यत् एतेषु आरोग्य-मन्दिरेषु रोगिभ्यः निःशुल्क-वैद्य-परामर्शः (ओपीडी) तथा आवश्यक-औषधानि उपलब्धानि भवन्ति। केन्द्रेषु एव रक्त-परीक्षणम्, शर्करा-परीक्षणम्, रक्तचाप-परीक्षणम् इत्यादीनि मूलभूतानि 14 प्रकारस्य परीक्षणानि तथा 79 अधिक-प्रकारस्य बाह्य-परीक्षणानां व्यवस्था अपि अस्ति।
अत्र मधुमेह, उच्च रक्तचाप तथा कैंसर (मुख-कर्करोगं, स्तन-कर्करोग, गर्भाशय-ग्रीवा-कर्करोगानाम् आरम्भिक-परीक्षणं क्रियते। गर्भिणी-स्त्रीणां परिचर्या, नवजात-शिशूनां रक्षणम् तथा टीकाकरण-सेवाः अपि अत्र प्रदीयन्ते।
आवश्यकतायां ई-संजीवनी माध्यमेन विशेषज्ञ-वैद्यैः सह परामर्शः अपि दीयते। स्वास्थ्य-वर्धनार्थं योग-शिक्षण-श्रेण्यः तथा जीवनशैली-सम्बद्ध-परामर्शाः अपि प्रदीयन्ते।
---------------
हिन्दुस्थान समाचार