डेहरी-ऑन-सोन-नगरम्, १४ मार्चमासः (हि.स.)। बिहार-राज्यस्य आरक्ष-महानिदेशकः विनयकुमारः अवदत् यत् अखौरी-शूटिंग-प्रतियोगिता चत्वारिंशद्वर्षेभ्यः निरन्तरं आयोज्यते। मध्ये त्रि–चत्वारि वर्षाणि विरामः जातः, किन्तु अस्मिन् वर्षे पुनः एषा प्रतियोगिता आयोजिता अस्ति। अस्यां विविध-वाहिनीनां सैनिकाः अधिकारिणश्च भागं गृह्णन्ति, येन तेषां मध्ये स्वस्थ-प्रतिस्पर्धा वर्धते तथा श्रेष्ठ-प्रदर्शनाय प्रेरणा लभ्यते। सः शनिवासरस्य सायंकाले अत्र स्थानीय-बीसैप-द्वि-केन्द्रे चतुर्दिवसीयस्य सच्चिदानन्द-अखौरी-शूटिंग-प्रतियोगितायाः उद्घाटनानन्तरं एतानि वचनानि उक्तवान्।

तेन उक्तं यत् अधुना सम्पूर्णे बिहार-राज्ये प्रायः २२ सहस्राधिकाः आरक्षक-कर्मचारिणः ५६ आरक्षक -प्रशिक्षण-केन्द्रेषु प्रशिक्षणं प्राप्नुवन्ति। शीघ्रमेव नवनियुक्ताः प्रायः २० सहस्र सैनिकाः अपि प्रशिक्षणार्थं प्रेष्यन्ते। एवं अग्रिम-सार्धैक-वर्षे द्विवर्षे वा प्रायः ४५ तः ५० सहस्राणि नूतन-सैनिकाः प्रशिक्षणं प्राप्य आरक्षक-दले सम्मिलिष्यन्ति, यत् राज्य- आरक्षकस्य महत्त्वपूर्णा उपलब्धिः भविष्यति। अस्यां प्रतियोगितायां देशस्य बीसैप तथा अन्य-वाहिनीनां आरक्षक-दलानां २२ दलानि भागं गृह्णन्ति इति अपि तेन उक्तम्।

बिहार-सैन्य-आरक्षक-वाद्य-दलस्य वाद्य-निनादेन सह आगताः क्रीडका: संचलनं कृतवन्तः। अस्य नेतृत्वे महिला-सशक्तीकरणस्य अद्भुतं प्रदर्शनं दृष्टम्, यतः सर्वेषां दलानां नेतृत्वं महिला-कर्मचारिण्यः अकुर्वन्। क्रीडकाः क्रीडाभावनया क्रीडितुं शपथं अपि स्वीकृतवन्तः। क्रीडकाणां संचलनं जनसमूहेन तालिकाध्वनिना स्वागतं कृतम्।

डीजीपी विनयकुमारः वायुगोलकान् शान्ति-प्रतीकान् कपोतान् च विमोच्य प्रतियोगितायाः विधिवत् उद्घाटनं घोषितवान्। बीसैप-इत्यस्य डीजी जितेन्द्रकुमारः अपि प्रतियोगितायाः शुभारम्भं कृतवान्। तेन डीजीपी-इत्यस्मै प्रतीक-चिह्नं प्रदाय सम्मानितं कृतम्।

अश्वारोही-आरक्षक-सैनिकानां टेन्ट-फिक्सिङ्-प्रदर्शनं आकर्षणस्य केन्द्रं बभूव। सैनिकः मनोजकुमारसिंहः पञ्च-राइडर-प्रदर्शने अश्वे रागिनी नाम्नि उपरि स्वकौशलं प्रदर्श्य जनान् अत्यन्तं मोहितवान् तथा बहवः तालिकाध्वनयः प्राप्ताः। आगतातिथिनां स्वागतं कमाण्डेण्ट् लिपिसिंहया कृतम्।

मञ्च-सञ्चालनं बीसैप-१२-केन्द्रस्य कमाण्डेण्ट् शशिशङ्करकुमारः कृतवान्। उद्घाटन-समारोहानन्तरं डीजीपी तथा बीसैपस्य वरिष्ठ-अधिकारिणः फायरिङ्-रेञ्जं गतवन्तः तथा पिस्तोल-आयुधेन लक्ष्ये चिह्नं कृत्वा प्रतियोगितायाः औपचारिकं शुभारम्भं कृतवान्।

अस्मिन् अवसरे बीसैप-इत्यस्य आरक्षक-महानिरीक्षकः संजयकुमारः, केन्द्रीय-मण्डलस्य डीआईजी मीनूकुमारी, शाहाबाद-प्रक्षेत्रस्य डीआईजी डॉ.सत्यप्रकाशः, एसपी रौशनकुमारः तथा प्रदेशस्य सर्वेषां वाहिनीनां कमाण्डेण्ट-इत्येते अपि उपस्थिताः आसन्। सायंकाले सांस्कृतिक-कार्यक्रमः अपि आयोजितः, यस्मिन् बीसैप-इत्यस्य सैनिकाः गीत-संगीत-प्रस्तुत्या उपस्थितान् जनान् मोहितवन्तः। कार्यक्रमस्य सञ्चालनं बीसैप-इत्यस्य डीएसपी संजयः झा कृतवान्।

हिन्दुस्थान समाचार / अंशु गुप्ता