Enter your Email Address to subscribe to our newsletters
- पंडित कुंजीलाल दुबे संसदीय विद्यापीठे ‘क्षेत्रीय दलानां भूमिका राष्ट्रीकैकतायां’ वैचारिकं मंथनम्
भोपालम्, 16 मार्चमासः (हि.स.)।
दक्षिणपश्चिम-भोपाल-विधानसभाक्षेत्रस्य विधायकः भगवानदास सबनानी अवदत् यत् लोकतन्त्रस्य जीवंततायै वैचारिकविविधता अत्यावश्यका अस्ति, किन्तु क्षेत्रीयदलानां सक्रियता तथा तेषां भूमिका सर्वदा राष्ट्रहितस्य परिसरे एव पल्लविता भवितुम् अर्हति।
विधायकः सबनानी सोमवासरे पण्डित-कुंजीलाल-दुबे-राष्ट्रीय-संसदीय-विद्यापीठे आयोजिते वैचारिकमन्थने मुख्यातिथिरूपेण सम्बोधयन् एतत् उक्तवान्। तेन उक्तं यत् एतादृशाः आयोजनाः युवानां मध्ये संवैधानिकमूल्यानां प्रति चेतनां जागरयितुं सशक्तं माध्यमं भवन्ति।
संसदीयकार्यविभागस्य तत्वावधानेन सञ्चालितेन पण्डित-कुंजीलाल-दुबे-राष्ट्रीय-संसदीय-विद्यापीठेन “किं संसदीय-लोकतन्त्रे क्षेत्रीयदलानां वर्धमाना भूमिका राष्ट्रीयैकतायै संकटं भवति?” इति विषयकां विश्वविद्यालय-महाविद्यालय-स्तरीय-वादविवाद-प्रतियोगितां आयोजितवती। विद्यापीठस्य सभागारे आयोजिते अस्मिन् कार्यक्रमे युवानः संसदीय-लोकतन्त्रस्य विविधेषु आयामेषु प्रखररूपेण स्वविचारान् प्रस्तुतेवन्तः।
विशिष्टातिथिरूपेण अटल-बिहारी-वाजपेयी-हिन्दी-विश्वविद्यालयस्य कुलपतिः डॉ. देव-आनन्द-हिण्डोलिया तथा संसदीयकार्यविभागस्य अपरसचिवः राजेश-गुप्त उपस्थितौ आस्ताम्। कुलपतिः डॉ. देव-आनन्द-हिण्डोलिया विद्यार्थिनः लोकतन्त्रस्य सजग-प्रहरीभ्यः भवितुं प्रेरितवान्।
बौद्धिकविमर्शे प्रदेशस्य सप्तदश प्रतिष्ठितशिक्षणसंस्थानानां त्रयस्त्रिंशत् प्रतिभागिनः पक्षे विपक्षे च स्वस्वान् सारगर्भितान् तर्कान् प्रस्तुतवन्तः। प्रतियोगितायाः निर्णायकमण्डले प्राध्यापकः डॉ. अखिलेश-शर्मा, सेवानिवृत्त-अपरसचिवः पुनीत-श्रीवास्तव तथा वरिष्ठपत्रकारः संजय-दुबे सम्मिलिताः आसन्। विद्यापीठस्य उपसंचालकः एम्. के. राजोरिया सर्वेषां आगन्तुकानां प्रतिभागिनां च प्रति आभारं व्यक्तवान्।
विषयस्य पक्षे पुरस्कारप्राप्ताः
विषयस्य पक्षे उच्च-शिक्षा-उत्कृष्टता-संस्थानस्य भोपाल-निवासिनी छात्रा अनियरा-शर्मा (बी.ए. तृतीय-वर्ष) प्रथमस्थानं प्राप्य ९,००० रूप्यकाणां पुरस्कारराशिं प्राप्तवती।
तदनन्तरं शासकीय-महारानी-लक्ष्मीबाई-कन्या-स्नातकोत्तर-महाविद्यालयस्य भोपाल-निवासिनी रौनक-पांचाल (बी.ए. तृतीय-वर्ष) द्वितीयस्थानं प्राप्य ७,५०० रूप्यकाणां पुरस्कारं लब्धवती।
जागरण-लेक-सिटी-विश्वविद्यालयस्य भोपाल-निवासिनी ईशा-मिश्रा (बी.बी.ए. अन्तिम-वर्ष) तृतीयस्थानं प्राप्य ६,००० रूप्यकाणां पुरस्कारं प्राप्तवती।
सन्त-हिरदाराम-कन्या-महाविद्यालयस्य प्रिन्सी-पहलवानी (बी.कॉम. चतुर्थ-वर्ष) उत्कृष्टप्रदर्शनार्थं ३,००० रूप्यकाणां प्रोत्साहन-पुरस्कारं प्राप्तवती।
विषयस्य विपक्षे पुरस्कारप्राप्ताः
विषयस्य विपक्षे बी.एस.एस.एस. महाविद्यालयस्य भोपाल-निवासिनी विधि-शुक्ला (बी.ए. षष्ठ-सेमेस्टर) प्रथमस्थानं प्राप्य ९,००० रूप्यकाणां पुरस्कारं प्राप्तवती।
सेज-विश्वविद्यालयस्य आयोली-बाजपेयी (एम.ए. द्वितीय-सेमेस्टर) द्वितीयस्थानं प्राप्य ७,५०० रूप्यकाणां पुरस्कारं लब्धवती।
तृतीयस्थानं जागरण-लेक-सिटी-विश्वविद्यालयस्य मेघा-नाथानी (बी.बी.ए. अन्तिम-वर्ष) प्राप्तवती, यस्यै ६,००० रूप्यकाणि प्रदत्तानि।
तथा शासकीय-महारानी-लक्ष्मीबाई-कन्या-स्नातकोत्तर-महाविद्यालयस्य कार्तिका-यादव (बी.ए. तृतीय-वर्ष) ३,००० रूप्यकाणां प्रोत्साहन-पुरस्कारं प्राप्तवती।
---------------
हिन्दुस्थान समाचार