Enter your Email Address to subscribe to our newsletters
शिमला, 17 मार्चमासः (हि.स.)।
मुख्यमन्त्री सुखविन्द्रसिंहसुक्खू उक्तवान् यत् वित्तीयचुनौत्यः सन्ति तथापि राज्यसरकारः शिक्षायाः स्वास्थ्यस्य च इव महत्त्वपूर्णक्षेत्रयोः बजटे कापि कटौतीं न करिष्यति। तेन स्पष्टतया उक्तं यत् सरकारस्य प्राथमिकता अस्ति यत् दूरस्थप्रदेशेषु अपि गुणवत्तायुक्ता शिक्षा उत्तमाः स्वास्थ्यसेवाः च प्राप्यन्ताम्।
शिमलानगरे मङ्गलवासरे आयोजिते एकदिवसीयप्रधानाचार्यसम्मेलने सम्बोधनं कुर्वन् मुख्यमन्त्री अवदत् यत् परिवर्तमानकाले विद्यार्थिनां मध्ये आत्मविश्वासस्य विकासः अत्यावश्यकः अस्ति, येन ते भविष्यस्य चुनौत्यः दृढतया साम्ना कर्तुं शक्नुयुः। तेन उक्तं यत् अस्मिन् कार्ये शिक्षकानां शिक्षाव्यवस्थायाः च भूमिका अत्यन्तमहत्त्वपूर्णा अस्ति। सरकारः शिक्षाक्षेत्रे सुधारार्थं निरन्तरं प्रयत्नशीलः अस्ति तथा च अनेकाशः नूतनाः उपक्रमाः आरब्धाः सन्ति।
तेन उक्तं यत् राज्ये विशेषविषयेषु महाविद्यालयानां स्थापना विशेषतया क्रियते। अस्यां श्रृङ्खलायां हमीरपुरे पञ्चाशत् बीघाभूमौ एकं विज्ञानमहाविद्यालयं स्थाप्यते, यस्य कृते २० कोटिरूप्यकाणि निर्गतानि सन्ति। अपरं च वाणिज्यादिविषयेषु विशेषमहाविद्यालयाः अपि राज्यस्य विभिन्नप्रदेशेषु उद्घाट्यन्ते।
मुख्यमन्त्री अवदत् यत् उच्चशिक्षाक्षेत्रे सुधाराय रिक्तपदानां पूरणम् अपि प्राथमिकतायां वर्तते। तेन उक्तं यत् सहायकप्राध्यापकानां ४०० पदानि तथा कनिष्ठसहायकप्राध्यापकानां ४०० पदानि पूर्तेः प्रक्रिया प्रवर्तते। तथा च महाविद्यालयेषु नूतनयुगपाठ्यक्रमाः अतिरिक्तभाषाकार्यक्रमाः च आरम्भयितुं निर्देशाः दत्ताः, येन विद्यार्थिनां रोजगारक्षमता वर्धेत।
तेन उक्तं यत् महाविद्यालयेषु शिक्षायाः गुणवत्तां सुनिश्चितुं श्रेणीकरणव्यवस्था अपि प्रवर्तिता अस्ति, यथा विद्यालयेषु क्रियते। अस्मिन् प्रसङ्गे सम्मेलने राजकीयमहाविद्यालयानां आन्तरिकश्रेणीकरणम् अपि प्रकाशितम्। समग्रश्रेणीकरणे राजकीयमहाविद्यालयः हमीरपुरः प्रथमस्थाने आसीत्, संजौलीमहाविद्यालयः द्वितीयस्थाने, राजकीयकन्यामहाविद्यालयः शिमला तृतीयस्थाने च आसीत्। विभिन्नस्तरेषु अपि अन्ये महाविद्यालयाः शीर्षस्थानानि अलभन्त, तथा च सर्वे विजेतारः महाविद्यालयाः एकैकं लक्षरूप्यकाणि दत्वा सम्मानिताः।
मुख्यमन्त्री उक्तवान् यत् शिक्षाविभागस्य पुनर्गठनं कृत्वा विद्यालयशिक्षानिदेशालयः उच्चशिक्षानिदेशालयः च पृथक् स्थापितौ, येन कार्ये समन्वयः कार्यदक्षता च वर्धेताम्। तेन अपि उक्तं यत् राज्यस्य शिक्षकाः समर्थाः सन्ति, एते सुधाराः तान् अधिकं उत्तमप्रदर्शनाय प्रेरयिष्यन्ति।
स्वास्थ्यक्षेत्रस्य विषये अपि मुख्यमन्त्री उक्तवान् यत् सरकारः अस्मिन् क्षेत्रे अपि शीघ्रतया कार्यं कुर्वती अस्ति। चिकित्सामहाविद्यालयेषु अत्याधुनिकाः एमआरआई यन्त्राणि स्थापितानि सन्ति तथा चरणशः रोबोटिकशल्यचिकित्सायाः सुविधा आरभ्यते, येन रोगिणां उत्तमचिकित्सा प्राप्यते।
अन्ते मुख्यमन्त्री वित्तीयस्थितेः विषये उक्तवान् यत् पुरातनपेंशनयोजना ओपीएस पुनर्स्थापनानन्तरं केन्द्रसरकारेण राज्याय प्रदीयमानः राजस्वघाटनुदानः निरस्तः, तथा च १६०० कोटिरूप्यकाणां वित्तीयसाहाय्यम् अपि न प्रदत्तम्।
---------------
हिन्दुस्थान समाचार