उरईनगरम्, १८ मार्चमासः (हि.स.)। जनपदाधिकारी राजेश–कुमार–पाण्डेयः तथा आरक्षक–अधीक्षकः डॉ.दुर्गेश–कुमारः बुधवासरे विकास–भवने रानी–लक्ष्मीबाई–सभागारे रामनवमी–ईद–उल–फितर–उत्सवयोः दृष्ट्या सभान कृत्वा सम्बन्धित–अधिकारिणः आवश्यक–निर्देशान् अयच्छत्।

जनपदाधिकारिणा निर्देशितं यत् सर्वेषु प्रमुख–मन्दिरेषु, मस्जिदेषु तथा सार्वजनिक–स्थलेषु स्वच्छतायाः समुचित–व्यवस्था सुनिश्चिता क्रियताम्। विशेषतया यत्र अधिक–सम्मर्दस्य सम्भावना अस्ति, तत्र पेय–जलस्य, प्रकाश–व्यवस्थायाः तथा शौचालयानां पर्याप्त–व्यवस्था क्रियेत। तेन उक्तं यत् मन्दिरेषु प्रमुख–धार्मिक–स्थलेषु च सीसीटीवी–यन्त्राणि सक्रिय–स्थितौ सन्तु तथा तेषां सतत–निरीक्षणं क्रियेत। कस्यापि प्रकारस्य अव्यवस्थायाः वा सन्दिग्ध–गतिविधेः विषये त्वरित–कार्यवाही सुनिश्चिता क्रियताम्। जनपदाधिकारिणा विद्युत्–विभागाय निर्बाध–विद्युत्–आपूर्तेः पालनं कर्तुं तथा नगर–निकायान् स्वच्छता–कूटक–निष्कासनयोः विशेष–व्यवस्थां कर्तुं निर्देशाः दत्ताः। स्वास्थ्य–विभागाय आपत्कालीन–सेवानां सक्रियता, एम्बुलेन्स–उपलब्धता च सुनिश्चितीकरणाय, अग्निशमन–विभागाय अपि सजग–स्थितौ स्थातुं निर्देशाः दत्ताः।पुलिस–अधीक्षकेन निर्देशाः दत्ताः यत् संवेदनशील–क्षेत्रेषु अतिरिक्त–आरक्षक–बलस्य सजगता क्रियेत तथा निरन्तरं निरीक्षणं क्रियेत। उत्सव–कालस्य अवधौ सम्मर्द–युक्त–स्थलेषु, विपणेषु तथा धार्मिक–स्थलेषु सुरक्षा–व्यवस्था सुदृढा क्रियेत। यातायात–व्यवस्थां सुचारुं कर्तुं प्रमुख–मार्गेषु यातायात–योजना प्रवर्तनीया तथा वाहन–निवेशन–व्यवस्था अपि सुनिश्चितीकरणीया। सामाजिक–माध्यमेषु सतत–निरीक्षणं स्थापनीया तथा कस्यापि प्रकारस्य मिथ्या–सूचनानां च विषये त्वरित–कार्यवाही क्रियेत।

अस्मिन् अवसरे अपर–जनपदाधिकारी (वित्त–राजस्व) संजय–कुमारः, अपर–जनपदाधिकारी (न्यायिक) योगेन्द्र–सिंहः, मुख्य–चिकित्सा–अधिकारी डॉ.वीरेन्द्र–सिंहः, जनपद–पञ्चायत–राज–अधिकारी राम–अयोध्या–प्रसादः इत्येतै: सह अन्ये सम्बन्धित–अधिकारिणः उपस्थिताः आसन्।

हिन्दुस्थान समाचार / अंशु गुप्ता