पटनानगरम्, १८ मार्चमासः (हि.स.)। जनता–दल–यूनाइटेड (जदयू)–पक्षे प्रदेश–प्रवक्ता अंजुम–आरा प्रदत्त–वक्तव्ये अवदत् यत् मुख्यमन्त्रिणः नीतीश–कुमारस्य नेतृत्वे गत–विंशतिवर्षेषु बिहार–राज्येन विकास–सुशासन–सामाजिक–न्याय–आधारितं आदर्शं प्रस्तुतं कृतम्, येन अल्पसंख्यक–समुदायस्य जीवनस्य वास्तविकः ऐतिहासिकं च परिवर्तनं अभवत्।

तया उक्तं यत् पूर्व–शासन–कालेषु अल्पसंख्यक–समाजः केवलं मत–सङ्ग्रह–राजनीतेः तुष्टीकरणस्य च साधनरूपेण उपयुज्यते स्म, किन्तु नीतीश–कुमारस्य शासनं “न्यायेन सह विकासः” तथा “समावेशी–विकासः” इत्यस्य नीत्या अल्पसंख्यकान् शिक्षा–सुरक्षा–सम्मान–रोजगार–आत्मनिर्भरता–मार्गेषु अग्रे नेतुं प्रयत्नशीलम् अभवत्।

मुख्यमन्त्री नीतीश–कुमारः अल्पसंख्यक–समाजस्य उत्थानं केवलं राजनैतिक–उद्घोषेषु न सीमितवान्, अपि तु दृढ–योजनाभिः संस्थागत–सुधारैः उपलब्धिभिः च तस्य भूमौ अवतरणं कृतवान्। वर्षे २००५–०६ मध्ये अल्पसंख्यक–कल्याण–विभागस्य वित्तविवरणं यत्र केवलं ३.५ कोटि–रूप्यकाणि आसीत्, तत्र तस्य दूरदर्शिनः नेतृत्वस्य अन्तर्गतं अस्मिन् क्षेत्रे अभूतपूर्वा वृद्धि कृता, येन शिक्षा–कौशल–विकास–कल्याण–योजनाः सुदृढाः अभवन्। एतत् केवलं वित्त–वृद्धेः विषयः न, अपि तु अल्पसंख्यक–समाजस्य भविष्य–सुदृढीकरणस्य दृढ–प्रतिबद्धतायाः प्रमाणम् अस्ति।

तया उक्तं यत् मदरसा–शिक्षा–क्षेत्रे कृताः ऐतिहासिक–सुधाराः बिहारस्य सामाजिक–परिवर्तनस्य उदाहरणानि सन्ति। मदरसानां मान्यता–प्रदानम्, मदरसा–अध्यापकानां सर्वकारी–अध्यापक–समतुल्य–वेतन–निर्धारणम्, आधुनिक–पाठ्यक्रमस्य प्रवर्तनं च—एतेषां उपायानां फलतः सहस्रशः छात्राः मुख्यधारया शिक्षया सह सम्बद्धाः अभवन्।मुख्यमन्त्रिणा एतत् अपि प्रतिपादितं यत् परम्परा–आधुनिकतयोः समन्वयः एव वास्तविक–विकासस्य मार्गः अस्ति। अल्पसंख्यक–कन्यानां सशक्तिकरणं विशेष–प्राथमिकतया स्वीकृतम्। ‘हुनर’–कार्यक्रमादिभिः सहस्रशः कन्यकाः व्यावसायिक–प्रशिक्षणं प्राप्य आत्मनिर्भराः कृताः।

अल्पसंख्यक–यूनां कृते कौशल–विकास–रोजगार–सृजन–क्षेत्रे अपि उल्लेखनीयाः प्रयासाः कृताः। २०,००० अधिकाः युवानः कौशल–प्रशिक्षणं प्राप्य रोजगार–स्वरोजगार–योग्याः अभवन्। अल्पसंख्यक–कल्याण–विभागे शतशः पदेषु नियुक्ति–प्रक्रिया सुनिश्चिता, येन समान–अवसर–सहभागितां प्रति शासनस्य प्रतिबद्धता स्पष्टा जाता।

हिन्दुस्थान समाचार / अंशु गुप्ता