मण्डीनगरम्, १८ मार्चमासः (हि.स.)। डीएवी–सेन्टेनरी–पब्लिक–विद्यालय:, जवाहर–नगर–मण्डी इत्यत्र डीएवी–महाविद्यालय–प्रबन्धन–समितेः, नवदिल्ली–स्थितस्य माननीय–उपाध्यक्षस्य न्यायमूर्ति–प्रीतम–पालस्य शुभागमनम् अभवत्। विद्यालय–प्राङ्गणे तस्य आगमने मुख्यातिथेः भव्य–स्वागतं कृतम्। अस्मिन् अवसरे प्रधानाचार्यः के.एस.गुलेरिया तस्मै पुष्पगुच्छं समर्प्य पारम्परिक–हिमाचली–शिरष्कं प्रावारं च धारयित्वा अभिनन्दनं कृतवान्।

कार्यक्रमस्य विधिवत् शुभारम्भः न्यायमूर्तिना परिसरमध्ये पादप–रोपणेन कृतः, येन तेन पर्यावरण–संरक्षणस्य सन्देशः दत्तः।

स्वागत–समारोहे विद्यालयस्य अध्यापकैः सुमधुरं स्वागत–गीतं भक्तिमयं ऋषि–भजनं च प्रस्तुतम्, येन समग्रं वातावरणं आध्यात्मिक–ऊर्जया परिपूर्णम् अभवत्।स्वीय–सम्बोधने न्यायमूर्ति–प्रीतम–पालः विद्यालयस्य शैक्षणिक–उपलब्धीनां तथा छात्राणां चारित्रिक–निर्माणे संस्थायाः प्रतिबद्धतायाः प्रशंसां कृतवान्। तेन उक्तं यत् शिक्षा केवलं साक्षरता–पर्यन्तं सीमिता न भवेत्, अपि तु अस्याम् नैतिक–मूल्यानां समावेशः अनिवार्यः अस्ति।

प्रधानाचार्यः के.एस.गुलेरिया मुख्यातिथिं प्रति कृतज्ञतां व्यक्तवान्, उक्तवान् च यत् न्यायमूर्ति–सदृशस्य व्यक्तित्वस्य सान्निध्यं छात्राणां शिक्षकाणां च कृते नूतन–ऊर्जायाः प्रेरणायाः च स्रोतः अस्ति। तेन विश्वासः व्यक्तः यत् विद्यालयः स्वीयां गौरवशालीं परम्परां अक्षुण्णां रक्षन् छात्राणां सर्वाङ्गीण–विकासाय निरन्तरं प्रयासं करिष्यति।

अस्मिन् अवसरे हिमाचल–प्रदेशस्य विभिन्नेषु डीएवी–विद्यालयेषु प्रधानाचार्याः—ग्रयोह–स्थानात् संजीव–ठाकुरः, सुन्दरनगरात् मोहित–चूजः, गोहरात् चन्द्रेश्वर–शर्मा, नेर–चतुष्पथात् प्रशान्त–शर्मा, जोगिन्दर–नगरात् संजय–ठाकुरः, कट्राईं–स्थानात् चन्द्रिका–मल्होत्रा, जमथलात् दीपिका–शर्मा, मनाली–स्थानात् अनीता–वर्मा, पण्डोहात् वन्दना–कपूरः (या अस्मिन् सत्रे कार्यभारं स्वीकृतवती) तथा एआरओ–जोन–सी–इत्यस्य प्रतिनिधिः, विद्यालयस्य प्रधानाचार्यः के.एस.गुलेरिया, डीएवी–मण्डी–विद्यालयस्य कर्मचारीवर्गः अन्ये गणमान्य–जनाः च उपस्थिताः आसन्।

हिन्दुस्थान समाचार / अंशु गुप्ता